መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc-churches.org/site/components/com_gk2_photoslide/images/thumbm/590538kidste_mariam.jpg http://www.addisababa.eotc-churches.org/site/components/com_gk2_photoslide/images/thumbm/895720giorgis.jpg http://www.addisababa.eotc-churches.org/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc-churches.org/site/components/com_gk2_photoslide/images/thumbm/683566trinity.jpg http://www.addisababa.eotc-churches.org/site/components/com_gk2_photoslide/images/thumbm/821897entoto_mariam.jpg http://www.addisababa.eotc-churches.org/site/components/com_gk2_photoslide/images/thumbm/310283meskaye_1.jpg http://www.addisababa.eotc-churches.org/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc-churches.org/site/components/com_gk2_photoslide/images/thumbm/578084urael.jpg http://www.addisababa.eotc-churches.org/site/components/com_gk2_photoslide/images/thumbm/812647gebrie_gedam.jpg http://www.addisababa.eotc-churches.org/site/components/com_gk2_photoslide/images/thumbm/681179raguel.jpg
በአዲስ አበባ ሀገረ ስብከት ለአምስት ተከታታይ ቀናት ሲሰጥ የነበረው ሥልጠና ባለ 14 ነጥብ የአቋም መግለጫ በማውጣት ተጠናቀቀ

1018

ሙሉ ዝርዝሩን ከዚህ ቀጥሎ እንደሚከተለው ይቀርባል
በአዲስ አበባ ሀገረ ስብከት ጽ/ቤት ዋና አዘጋጅነት እና በኢትዮጵያ መጽሐፍ ቅዱስ ማህበር ትብብር በሥሩ ለሚገኙ የሀገረ ስብከቱ የመምሪያ ኃላፊዎች የሁሉም ክፍለ ከተማ የክፍል ኃላፊዎች የአብያተ ክርስቲያናት አስተዳዳሪዎችና ዋና ፀሐፊዎ የሙያ ማጠናከሪያ ሥልጠና ቃለ ጉባኤና የአቋም መግለጫ
የስልጠናው መሪ ክቡር መምህር ጎይቶም ያይኑ የአዲስ አበባ ሀገረ ስብከት ዋና ሥራ አስኪያጅ
የስልጠናው ቀን ከሰኔ 19-23 ቀን 2009 ዓ.ም
የስልጠናው ሰዓት ከጠዋቱ 2፡30 እስከ 11፡00 ሰዓት
የስልጠናው ዓላማ የሥራ ኃላፊዎች የተጣለባቸውን የቤተክርስቲያን አደራና የሕዝብ ኃላፊነት በበለጠ ብቃትና ቅንነት ሥራቸውን እንዲያከናው ለማድረግ ታስቦ የተዘጋጀ ሲሆን የሥልጠናውን መርሐ ግብር ለመጀመር በፀሎት ተከፍቷል፡፡
በመቀጠል የዕለቱ መርሐ ግብር መሪ ሥልጠናውን ለመጀመር የእንኳን ደህና መጣችሁና የመግቢያ ንግግር እንዲያደርጉ ክቡር የሀገረ ስብከቱን ዋና ሥራ አስኪያጅ ጋብዘዋል፡፡
በዚህም መሠረት ክቡር የአዲስ አበባ ሀገረ ስብከት ዋና ሥራ አስኪያጅ መምህር ጎይቶም ያይኑ ጥሪያችንን አክብራችሁ ለለውጥ በመነሳሳት ስለተገኛችሁ በሀገረ ስብከቱ ስም ልባዊ ምስጋናዬን እያቀረብኩ በአለፉት ጊዜያት በየአብያተ ክርስቲያናቱ በተለያየ የሥራ መስክ ያሉ በሂሳብና ገንዘብ ነክ ሥራ ላይ ለሚገኙ ኃላፊዎችና ሠራተኞች ስልጠና የተሰጠ ሲሆን አሁን ደግሞ አስተዳዳሪዎችና ዋና ፀሐፊዎች የተዘጋጀውን ስልጠና ለዚሁ ስልጠና ከተዘጋጁ እውቅ ባለሙያዎች የሚሰጠውን ወቅታዊ የአሰራር ዘዴ በመቅሰም ከወቅቱ አሰራር ጋር እራሳችንን በማገናኘት በየምንመራቸው አብያተ ክርስቲያናትም ሰላማዊ፣ ግልጽና ተጠያቂነትን ያማከለ አስተዳደር ለመፍጠር ሲሆን ሁሉም በየድርሻው ብቃትና አቅም ቢኖርም ከወቅታዊ አሰራር ጋር አገናኝቶ/አቀናጅቶ/ ሥራን በተቀላጠፈና ታአማኒነት ያለው ለማድረግ ስልጠና አስፈላጊ በመሆኑ ዘመኑንም እየተመለከትን አሰራራችንን ማስተካከልና በምእመናን ዘንድ ተቀባይነትን እንዲያገኝ ለማድረግ ስልጠናው አስፈላጊ መሆኑን ተረድተን በንቃት እንድንሳተፍ እያሳስበኩ መልካም የስልጠና ሳምንት እንዲሆን በመመኘት ስልጠናውን በይፋ ከፍተዋል፡፡

09240


ለስልጠናው የተዘጋጁ ርዕሶች
1.ስኬታማ የሥራ ፈጠራ ጥበብ በዶ/ር ወሮታው በዛብህ
2.የፋይናንስ አመራር ጥበብና የሂሳብ መመሪያ አተገባበር በመብራቱ ባይህ
3.ሕግና ሕገ ቤተክርስቲያን መ/ር ቢተው ካሳው
4.መሪነትና ሥራ አመራር በአቶ አለማየሁ ተክሉ
5.ስለ መጽሐፍ ቅዱስ አመሰራረትና አሁን ያለበት ደረጃ በቀሲስ ይልማ ጌታሁን
6.ኦርቶዶክሳዊት ቤተክርስቲያንና ኅብረተሰባዊ ለውጥ …በቀሲስ አሉላ ለማ
7.ስብከተ ወንጌል ከዘመነ ሐዋርያት እስከ ዛሬ በመጋቤ ብሉይ አእመረ አሸብር
በሚሉ መሠረታዊ ነጥቦች ስልጠናው የተሰጠ ሲሆን በዚሁ መሠረት ስኬታማ የሥራ ፈጠራ ጥበብ በሚለው ርዕስ ላይ ሁለት ዋና ዋና የሀብትና የስኬታማ ህይወት ምንጮች በመጥቀስ

እነሱም
1.አእምሮ
2.ጊዜ መሆናቸውና በነዚህ ላይ ሰፊ ውይይትና የቤተክርስቲያን መሪዎች ሊሰሩበትና ሊተገብሩት የሚገባ እንዳለ በጥያቄ መልክ አስቀምጠዋል፡፡
እነሱም
•የአእምሮ ድርቅ ከተፈጥሮ ድርቅ በላይ ሀገራችንን የጎዳ መሆኑ ለዚህም ማሳያ አብዛኛው ሕብረተሰብ መስራት ሲችል በልማናና በስደት እየተሰቃየ መሆኑ፤
•በተለያዩ ሱስ ቤቶች ወጣቱ በመቀመጥ ለሱስ ተገዥ መሆኑ፤
•ቤተክርስቲያን ሰፊ መሬት ይዛ በአንፃሩ ደግሞ ሰፊ ለማኞች በስሯ ያሉ መሆኑ፤
•በእቅድ ያልተያዘ ጊዜ ጥፋትን የሚያስከትል መሆኑ፤
•ሐብት ማለት ጊዜ መሆኑን አለመረዳት፤
•ጊዜን በእቅድ አለመምራት፤
•ጊዜንና አእምሮን በአግባቡ አለመጠቀም፤
ከዚህ በላይ የቀረቡት ዋና ዋና ነጥቦች ሲሆኑ በዚህ ላይ የቤተክርስቲያን አባቶች ሚናችን ምንድን ነው ሰርተናል ወይ? እራሳችሁን ጠይቁ ካሉ በኋላ አእምሮ ከዳነ ሁሉ ነገራችን ይድናል ለዚህ ደግሞ እናንተ ከፈጣሪ በተሰጣችሁ ፀጋ አማኙን ህብረተሰብ ወደ እግዚአብሔር መንግስት እንዲቀርብ አእምሮውንና ጊዜውን በበጎ ነገር ላይ እንዲያኖር የመምከር የመገሰጽ ብሎም የመገዘት ሥልጣን የናንተ ስለሆነ በዚህ ላይ ከፍተኛ ሥራ በመስራት ነፍስ የማዳን ሥራ መስራት እንደሚጠበቅብን በሰፊው በስልጠና መልስ ሰጥተዋል፡፡ ይህንን ካደረግን ስኬታማ ሰዎች በመባል እንታወቃለን ስኬት ሲኖር ደግሞ የሥራ ፈጠራ ችሎታችን የዳበረ ይሆናል በማለት ሰፊ ገለጻ ተደርጓል፡፡ በመቀጠል የፋይናንስ አመራር ጥበብና የሂሳብ መመሪያ አተገባበር በሚለው ላይ የገንዘብ ነክ የእውቀት መለኪያዎች ዋና ዋና ነጥቦች
•የበለጠ ገንዘብ ማግኘት
•ገንዘቡን መከላከልና መጠበቅ
•ገንዘባችንን መበጀት
•ለገንዘብ ዋጋ መስጠት
•ገንዘብ ነክ መረጃዎችን ማሻሻል
•ሞዴሊንግ ወይም ቤንች ማርክ ማስቀመጥ
•ውጤታማ የፋይናንስ እና የቁጥጥር ሥርዓት መዘርጋት ዋና ዋናዎቹ ናቸው፡፡በነዚህ ነጥቦች ላይ በሰፊው በመወያየትና ስልጠናውን በማዳበር በቤተክርስቲያናችን የገንዘብና የሀብት ብክነት እንዳይፈጠር እኛ ኃላፊዎች በሕጋዊ መልኩ የሚዘረጉ የወጭ ስልቶችን ከበላይ መስሪያ ቤት የሚተላለፉ ሕጎችና ደንቦችን ተከትለን ከሰራን ቤተክርስቲያናችን ከምንም በላይ የለውጥ ሃዋርያነቷን በመያዝ ዘርፈ ብዙ የልማት ሥራዎች በማከናወን ለተቋሟም ሆነ ብሎም ለሀገር ከፍተኛ ውጤት እንደምናሳይ በማስገንዘብ አሰራራችን ዘመኑን የዋጀ መሠረታዊ የሒሳብ አያያዝ መርሆዎችን በመዘርጋት በጥበብ በመመራት ከዳር ማድረስ እንደሚገባንና የቤተክርስቲያችንን ህልውና በመጠበቅና በማስጠበቅ መስራት የእኛ የሥራ ኃላፊዎች ድርሻ መሆኑን በማስረዳት ያጠቃለሉ ሲሆን በይቀጥላል ሕግና ሕገ ቤተክርስቲያን በሚል ርዕስ ቤተክርስቲያችን ሕግን የማስፈጸም ሂደቱ ምን ይመስላል በማለት የሕግን ትንታኔ ትርጉም እንደሚከተለው አስቀምጠዋል፡፡
•ሕግ ማለት በሰውና ባለው ነባራዊ ሁኔታ የሚገዛ መመሪያ ማለት ነው
•ሕግ ማለት ገዥና አስተማሪ ማለት ነው ሕግን የሚያወጣው ማነው እንደ ቤተክርስቲያናችን ሕግ የሕግ ባለቤት መስራች /አውጭው/ ራሱ ኢየሱስ ክርስቶስ መሆኑን መገንዘብ ነው ለዚህም ማስረጃ
•መጽሐፍ ቅዱስ
•ፍትሃ ነገስት
•ፍትህ መንፈሳዊ የሚጠቀሱ ሲሆን ቀደም ሲል የነበሩም ሆኑ አሁን ላለው ሕገ መንግስት ቤተክርስቲያናችን ለሀገር ያበረከተችው አስተዋጽኦ ቀላል እንዳልሆነ የሚያስረዳና የሚያሳይ ነው፡፡
ሕግ በሁለት ይከፈላል
1.ማህበራዊ ህግ ይባላል /የመንግስት ሕግ/
2.የወል ሕግ ይባላል /ሃይማኖታዊ ዶክትሪን ያለው/
መሆኑን በማስረዳት እንደቤተክርስቲያችን ደግሞ ዘመን ተሻጋሪ የሆኑ የቀደሙ አባቶቻችን ቃለ አዋዲ በሚል የቤተክርስቲያን መተዳደሪያ ደንብ በማውጣት እንሆ ለዛሬ የቤተክርስቲያናችን እድገት መሠረት ሆኖ እየተሰራበት እንደሚገኝ በሰፊው አስረድተዋል፡፡ በማያያዝም መንግስት ከሃይማኖት ተቋም ውስጥ ጣልቃ አለመግባት በአስተዳደር ሲሆን በሰላምና በልማት ዙሪያ ለህብረተሰቡ የሚጠቅሙ ነገሮችን ለማስከበር በጋራ ይሰራል፡፡
ስለሆነም ቤተክርስቲያናችን የራሷ ሕግ የሆነውን ቃለ ዓዋዲ መሠረት ያደረገ የልማት አውታሮችን በመዘርጋት ሃብትና ንብረቷን በአግባቡ በጋራ በመጠቀም ቅድስት ቤተክርስቲያናችንን እንድንጠብቅና እንድናስጠብቅ እዚህ የተገኘን መሪዎች ኃላፊነት ነው በሚል አጠቃለዋል፡፡ በመቀጠል መሪነትና ሥራ አመራርን በተመለከተ ሲሆን በመሪና ሥራ አመራር መካከል ያለውን አንድትና ልዩነት በሚል ርዕስ እያንዳንዱን ለመመልከት ተሞክሯል፡፡ በዚሁ መሠረት
መሪነት ማለት
•ሠርቶ ማሰራት
•ማድመጥ ክህሎትንና አርኪ አንደበት ባለቤት ሆኖ እራሱን አርአያ አድርጎ መስራት
•አዳዲስ አሰራሮችን በመፍጠር ውጤት ማሳየት
•የሰው ኃይልን ለውጤት ማብቃት
•ለጋራ ግብ መቆም
•ራዕይ ያለው መሆን
•ወሳኝ መሆን
•እራስን የማነቃቃት ክህሎትን ማዳበር ከተጠቀሱት ነጥቦች መካከል ዋና ዋናዎቹ ሲሆኑ
ሥራ አመራር ማለት በሰዎች አማካኝነት ተፈላጊ የሆነ ሥራ የመስራት ጥበብ ማለት ነው፡፡ ይህ በእንዲህ እያለ በሥራ አመራር ላይ የተለያዩ የለውጥ አመራር እንዳለ የተረዳን ሲሆን በዋናነት
•የለውጥ ምክንያቶች
•የለውጥ ግፊቶች
•ለውጥ የሚወደድባቸው
•ለውጥ የሚጠላባቸው
•በለውጥ ሂደት የሥራ አመራሩ ሚና
•ለለውጥ ምን መርህ ይኑር
•የለውጥ ሥራ አመራር መርሆች
•አለመግባባት ማስወገጃና ችግር ሲሆን እንዴት እንደሚፈታ
•የስነስርዓት መጉደል ምክንያቶች
•የተግባቦት ክፍተት
•የዲስፕሊን አጠባበቅ መርሆች
•የዲስፕሊን አይነቶች በሚሉ ርዕሶች ላይ ሰፊ ገለጻና ጉባኤውን ያሳተፈ ውይይት በቀረበው ጥናታዊ ጽሑፍ ጉባኤው ከፍተኛ ጥቅም አግኝተናል፡፡ አሁን በአለነው ደረጃ ልክ ወቅቱን የዋጀ ትምህርት አግኝተናል በማለት ወደፊት በዚህ ርዕስ ተጨማሪ ስልጠና እንደምናገኝ በመመኘት ለአሰልጣኙ ከፍተኛ የሞራል ድጋፍ በመስጠት አመስግኗል፡፡
በመቀጠል የመጽሐፍ ቅዱስ ማህበር ጠቅላይ ፀሐፊ በአቀረቡት ጥናታዊ ጽሑፍ የኢትዮጵያ መጽሐፍ ቅዱስ ማህበር አመሠራረትና አሁን ያለበት ደረጃ በማጣቀስ ሰፊ ገለጻ የተደረገ ሲሆን በዚህ የምንገኝ የቤተክርስቲያን የሥራ ኃላፊዎች ይህ ማህበር ተጠናክሮ እንዲቀጥል በአላችሁ ኃላፊነት ምዕመናን የማህበሩ አባል እንዲሆኑ በየቤተክርስቲያችሁ ቅስቀሳ እንድታደርጉ በማለት ትምህርታዊ ሰሚናር ከማብራሪያ ጋር በሰፊው ተሰጥቷል፡፡ ቀጣይ ኦርቶዶክሳዊት ቤተክርስቲያን እና ኅብረተሰባዊ ለውጥ በሚል በዋና ዋና ነጥቦች
•የቤተክርስቲያን ባህርይ እና ኃላፊነት
•ቤተክርስቲያን በማህበራዊ አገልግሎት
•ኅብረተሰባዊ ለውጥ /ማህበራዊ ለውጥ/
•የኅብረተሰባዊ ለውጥ ባህርያት
•የኅብረተሰባዊ ለውጥ ምክንያቶች
•የቤተክርስቲያን ሚና በኅብረተሰባዊ ለውጥ
•አሉታዊ የኅብረተሰባዊ ለውጥ ማሳያዎች
ሀ/ ገንዘብ ተኮር
ለ/ ጎጠኝነት
ሐ/ ዝሙት ተዳዳሪነት
መ/ ሱሰኝነት
•ቤተክርስቲያን ልትወስዳቸው የሚገቡ የመፍትሄ ሃሳቦች
oማህበራዊ አገልግቶችን ማጠናከር
oየምክክር አገልግሎት መስጫ ማዕከላትን ማቋቋም
oየሠለጠኑ ካህናትን ማፍራት /በሥልጠና ማብቃት/ በሚሉ ርእሶች ላይ ያተኮረ ጥናታዊ ጽሑፍ ቀርቦ ሰፊ ውይይት በማድረግ በአጠቃላይ ቤተክርስቲያ የተሰጣትን ተልእኮ በአለው ነባራዊ ሁኔታ ጋር አገናዝበን መስራት እንደሚገባንና ሕብረተሰባችን ወደ አልተፈለገ የኃጢያት ምንጭ ወደሆነው ሥራ እንዳይሄድ የሄደውንም ባለብን ኃላፊነት ዘር፣ ፆታ ሳንለይ በትምህርተ ወንጌል በማስተማርና በመምከር መመለስ ያለብን መሆኑን በመረዳት ኃላፊነታችንን እንድንሠጥ የቀረበ ጽሑፍ በመሆኑ ጉባኤው ተቀብሎታል፡፡
ስብከተ ወንጌልን በተመለከተ
ስብከተ ወንጌል ከዘመነ ሐዋያት እስከ ዛሬ ድረስ በሚል ርዕስ መምህሩ ሲያብራሩ
•የወንጌል ስምምነት
•የስብከተ ወንጌል አስፈላጊነት
•በሁሉም ዘመናት ስብከተ ወንጌል
•ስብከተ ወንጌል በዘመነ ሊቃውንት
•ስብከተ ወንጌልና ዘመናዊነት
•ስብከተ ወንጌልና ድኅረ ዘመናዊነት
•በአሁኑ ወቅት በስብከተ ወንጌል ላይ ያንዣበቡ ፈተናዎች በሚለው ዋና ዋና ርዕሶች ሰፊ ትምህርት የተሰጠ ሲሆን በዚህ ወሳኝ ወቅት ቤተክርስቲያን ከስብከተ ወንጌል የበለጠ ጠቃሚ ነገር የለም ወንጌል መልካም አስተዳደርን ያጠናክራል ብልሹ አሠራርን ይቀንሳል የምዕመናን ብዛት ይጨምራል ያመኑትንም ያፀናል ወንጌል ሙስናን ያስቀራል ይህ ማለት በወንጌል ሙስና አይሠራም ማለት ሳይሆን ወንጌልን በትክክል የሚያምኑና የሚታዘዙ እነርሱ ሙስናን ይፀየፋሉ፡፡
የእግዚአብሔር ገንዘብ አለአግባብ አይባክንም እንኳንስ የእግዚአብሔር የሀገርም/የመንግስትም እንዲሁም የሌላ የማንኛውም ሰው ገንዘብ ቢሆን አይባክንም እውነተኞች ውሉደ ወንጌል ታማኝ ባርያዎች ናቸው፡፡ ዛሬ አግኝተው ለጥቂት ጊዜ መደሰት ሳይሆን  ዛሬ በጥቂቱ ነገር ታምነው ነገ ለብዙ መሾምን ከእግዚአብሔር ይጠብቃሉና በማለት በእያንዳንዱ ርዕስ ሰፊ ትምህርትና ስልጠና የተሰጠ ሲሆን በተሰጠው ስልጠና መሠረት ከሰልጣኞች ጥያቄና ማብራሪያ እንዲሁም አስተያየቶች በሰፊው ቀርቦ ውይይት ከተደረገ በኋላ በስልጠናው መሠረት ለተግባራዊነቱ ሁላችንም የበኩላችንን አስተዋጽኦ የምናደርግ መሆኑን አፅንኦት ተቀብለናል፡፡
ማጠቃለያ
እኛ የአድባራትና ገዳማት እንዲሁም ካቴድራል አስተዳዳሪዎችና ዋና ፀሐፊዎ ከሰኔ 19 -23 ቀን 2009 ዓ.ም በተለያዩ ርዕሶች የወሰድነው ስልጠና ወቅቱን የዋጀ አሁን በአለንበት ደረጃ በተማርነው /በሰለጠነው/ መሠረት ወደ ተግባር የምንገባ ሲሆን የሀገረ ስብከታችን ዋና ሥራ አስኪያጅ እኛን በአለን እውቀት ላይ ጊዜውንና ወቅቱን አመላካች የሆነ እውቀት እንድናገኝ ውድ ጊዜዎትን መስዋዕት በማድረግ እኛን በማክብር ከእኛ ጋር ቁጭ ብለው ስልጠናውን የመሩና የተከታተሉ እንዲሁም በየእለቱ ለሚቀርቡ የውይይት ሃሳቦች ላይ በሚሰጡት ማብራሪያና መልስ ጉባኤውን ያስደመመና ያስደነቀ በመሆኑ ይህ የሚያሳየው ቤተክርስቲያናችን በመልካም አስተዳደር በልማት የተሳለጠች እንድትሆን ለማድረግ በአለዎት ሰፊ ራዕይ በመሆኑ ከፍተኛ ምስጋናና አክብሮት የምንሰጥዎና በማንኛውም ሁኔታ ከጎንዎ መሆናችንን እያረጋገጥን ይህ የተጀመረ የለውጥ ሂደት ተጠናክሮ እንዲቀጥል እኛም ለተግባራዊነቱ የበኩላችንን አስተዋጽኦ እናደርጋን በማለት በሰልጣኞቹ ሠፊ ማብራሪያ ውይይት ተደርጓል ለቀረቡ ጥያቄዎችም ከምሁራኑ መልስ ተሰጥቷል፡፡
በመጨረሻ ክቡር የሀገረ ስብከቱ ዋና ሥራ አስኪያጅ መምህር ጎይቶም ያይኑ የማጠቃለያ ንግግር ሲያደርጉ እናንተ ጠርተን በወሰድናቸው የሥልጠና ጊዜ ውስጥ የጎደለውን ለመሙላት በአለን ላይ አጠናክረን ቅድስት ቤተክርስቲያችንን ለማገለገል ስለሆነ እናንተም የሀገረ ስብቱን ጥሪ አክብራችሁ ለለውጥ በመነሳሳት ያለምንም ችግር ፀጥታ በተላበሰ መልኩ ስልጠናውን በመከታተላችሁ እኔም በሀገረ ስብከቱ ስም ምስጋናዬን እያቀረብኩ እንግዲህ ሁላችሁም በተሰጠው ስልጠና መሠረት ወደ ታች ወርዳችሁ ለምትመሯቸው ካህናትና ምዕመናን ተግባራዊ እንድታደርጉ የለውጥ ሐዋርያም እንድትሆኑ የሚያግዝ ትጥቅ የያዛችሁ መሆኑን በውይይቱ ወቅት የነበረው ተሳትፎ የሚያሳይ እና ከዚህም በፊትም ከፍተኛ ዕውቀት እንዳላችሁ የማውቅ ቢሆንም ማነቃቅያ ለመፍጠር የተደረገ ስልጠና በመሆኑ ይህንኑ ተረድታችሁ ኃላፊነታችሁን እንድትወጡ በልጅነት መንፈስ እያሳሰብኩ በተጨማሪ በአሁኑ ሰዓት የቤተክርስቲያናችንን አገልጋይ ካህናትና ልዩ ልዩ ሠራተኞች እየጎዳ ያለው በቃለ አዋዲው አንቀጽ 60 የተደነገገውን የጡረታ መመሪያ ባለመተግበራችን አባቶቻችን ሆኑ ወንድሞች እረፍተ ዘመን ገትቶአቸው ከዚህ አለም በሞት በሚለዩበት ጊዜ ቤተሰቦቻቸው በችግር በመውደቅ የሊቃውንት አባቶቻችን ልጆችና ቤተሰቦች የጎዳና ተዳዳሪ ሆነው ማየታችን በጣም የሚያሳዝን በመሆኑ በዚህ ላይ ሀገረ ስብከታችን ጥናት አድርጎ ወደ ተግባር ለመለወጥ በሂደት ላይ ስለሆነ የጡረታ መብታችሁን ማስከበር የሁሉም ሠራተኛ ኃላፊነትና ግዳጅ ሲሆን ለአፈፃፀሙ ደግሞ በዚህ የተገኛችሁ የጉባኤው ተሳታፊዎች በዋናነት የእናንተ ሥራ ስለሆነ በዚህ ጉዳይ ተግታችሁ እንድትሰሩ በማለት ሐሳባቸውን ከሰጡ በኋላ ከተወያዮች የተሰጠ ሃሳብ የጡረታ ገንዘብ አለመቀመጡ ቤተክርስቲያንን በእጅጉ የጎዳ ለመሆኑ እረጅም ዘመን ያገለገሉ አባቶች ቤተሰቦቻቸው ያለረዳት መቅረታቸው አንዱ ጉዳት ሲሆን ሁለተኛው እነሱን ለመርዳት ያለተፈላጊ የሥራ ሙያ በቤተክርሰትያን ላይ የሚከማቸው የሠራተኛ ብዛት በዋናነት ተዘግቧል፡፡ በመሆኑም በዚሁ ሥራ ላይ ለመተግበር በጋራ እንሰራለን በማለት ጉባኤው የሚከተለውን የአቋም መግለጫ በጋራ አውጥተናል፡፡
የአቋም መግለጫ
1.ቅድስት ቤተክርስቲያናችን ያላትን ሀብትና የምዕመናንን ዕውቀት ተጠቅማ ለአማኞቿ የተሟላ አገልግሎት በመስጠት ለሥራ አጥ ወገኖችም የሥራን ጥቅምና የሕይወትን ስኬት ከማስተማር ጎን ለጎን በየአብያተክርስቲያናቱ የልማት ተግባራትን ለማፋጠን ቃል እንገባለን፤
2.እኛ ኢትዮጵያውያን ከተፈጥሮ ችግር በላይ የአስተሳሰብ ደክመትና የጊዜ ብክነት እየጎዳን በመሆኑ ይህንን ክፉ የስንፍና በሽታ በትምህርተ ወንጌል በማከም የሕብረተሰቡ ዋና ክፍል የሆነው ወጣቱ ትውልድ ሥራ ፈጠራና ተነሳሽ በሥነ ምግባር የታነፀና ሀገሩን ወዳድ እንዲሆን የመሪነት ኃላፊነታችንን ለመወጣት ቃል እንገባለን፤
3.በየምንመራቸው አብያተ ክርስቲያናት ያለውን የገንዘብ እንቅስቃሴ በዘመናዊ አሠራር የተቃኘ ግልፅነትንና ተጠያቂነትን ያረጋገጠ አሠራር እንዲሰፍን የኃላፊነት ድርሻችንን ለመወጣት ቃል እንገባለን፤
4.ሰብዓዊ መብት የሰው ልጅ በሕገ ተፈጥሮ ከእግዚአብሔር የተጎናፀፈው ፀጋ በመሆኑ ለሠራተኞች ሕጋዊ አሠራርን በመከተል ሰብዓዊ መብታቸው ተከብሮ ለልማትና እድገት እንዲነሳሱ የኃላፊነታችንን ድርሻ ለመወጣት ቃል እንገባለን፤
5.በሥራ አመራር ባህርያት ወቅታዊ የሆነውን አሳታፊና ሳይንሳዊ ይዘት ያለውን መርህ በመከተል ፍትሐዊ የሆኑ አሠራሮቹን በመተግበር የቤተክርስያኒቱን አካላት ባሳተፈ መልኩ ሥራችንን ለማከናወንና ኃላፊነታችንን ለመወጣት ቃል እንገባለን፤
6.ቅድስት ቤተክርስቲያናችንን በራሷ ሕግ ፍትህ መንፈሳዊ መስጠቱን የምንደግፈውና የምንቀበለው ቢሆንም የፍትህ አካላት በሚሰጡት ውሳኔ ከማንኛውም አስተዳደራዊ ተፅዕኖ ነፃናቸው በሚለው መርህ መሠረት በብቁ ባለሙያዎች የፍትህ ሥራው እንዲከናወን እንጠይቃለን፤
7.ከመንግስታዊ ተቋማት የሚቀርቡ የግብርና የተለያዩ የክፍያ ጥያቄዎች በአፈፃፀም የተቸገርንባቸው በመሆኑ በሀገረ ስብከታችን ተገቢው ጥናት ቀርቦ ውሳኔ እንዲያገኝና ወጥ የሆነ የአሰራር መመሪያ እንዲደርሰን እንጠይቃለን እኛም ከሀገረ ስብከቱ ጎን ተሰልፈን ለውጤታማነቱ የበኩላችንን ድርሻ እንወጣለን፤
8.የሀገረ ስብከታችን ዋና ሥራ አስኪያጅ ይህንን ስልጠና በማዘጋጀት ወቅታዊ አሰራርን በመከተል ሰላማዊ አስተዳደር እንዲኖር ያደረጉትን ጥረት እያደነቅንና ልባዊ ምስጋናችንንም እያቀረብን በቀጣይም ይህ ተግባር ተጠናክሮ እንዲቀጥል እንጠይቃለን፤
9.ቅድስት ኦርቶዶክሳዊት ተዋህዶ ቤተክርስቲያናችን ከጥንት ጀምሮ የሕብረተሰቡን ችግር በመቅረፍ ታሪክ የመሰከረላት በመሆኑ ይህንን ለማስቀጠል የሚያስችሉ የምግባረ ሠናይ በጎ አድራጊ እና የምክክር አገልግሎት ክፍሎችን አጠናክረን እንደምናስቀጥል ቃል እንገባለን፤
10.ሀገረ ስብከታችን በአሁኑ ጊዜ ሰላማዊና ፍትሐዊ አስተዳደር ያለው በመሆኑ ሁከት ተወግዶ ፀጥታ የሰፈነበት ወቅት ስለሆነ ይህ ተጠናክሮ እንዲቀጥል እየጠየቅን የሀገረ ስብከቱ ቀጥተኛ ተጠሪዎችም በስልጠናው ያለን አካላት በመሆኑ የሥራ ግንኙነቱ ተጠናክሮ እንዲቀጥል እየጠየቅን እኛም ለስኬታማነቱ የበኩላችንን ድርሻ እንደምንወጣ ቃል እንገባለን፤
11. ቅድስት ቤተክርስቲያናችን የሕግና ሥርዓት ባለበት በመሆኗ አባቶቻችን ያቆዩት ቀኖና ቤተክርስቲያን ተጠብቆ እንዲቆይ ሁላችንም እንደ አንድ ቃል ተናጋሪ ሆነን ድርሻችንን እንደምንወጣ ቃል እንገባለን፤
12.የስብከተ ወንጌል አገልግሎት የቅድስት ቤተክርስቲያናችን ተቀዳሚ አላማና ተግባር በመሆኑ ለአማኞቻችን ሕይወትን የሚሰጥ ወንጌል እንዲሰበክና ቤተክርስቲያናችንም ባመነችባቸው ሊቃውንት እንዲሰጥ የምናደርግና በቀጣይም ለተፈፃሚነቱ በተዋረድ ለሰባኪያነ ወንጌልና ለሌሎች አገልጋይ ሠራተኞች ስልጠናውን ተጠናክሮ እንዲቀጥል የሀገረ ስብከቱን የስብከተ ወንጌል መምሪያ ተገቢውን ጥረት እንዲያደርግ እንጠይቃለን፤
13.ለቅድስት ቤተክርስቲያናችን ሁለንተናዊና መንፈሳዊ አገልግሎት መጠናከርና ተረካቢ አገልጋይ ለመፍጠር የአብነት ትምህርቶች ምንጭ በመሆናቸው ተጠናክረው እንዲቀጥሉ የሚያስፈልገውን ድጋፍ ለማድረግ ቃል እንገባለን፤
14.በቅድስት ቤተክርስቲያናችን የምንገኝ አገልጋይ ካህናትና ሠራተኞች ከአገልግሎት የዕረፍት ዘመናችን በኋላ ለችግር እንዳንጋለጥ ታስቦ ሀገረ ስብከታችን የተዘጋጀውን የጡረታ ደንብ የአገልጋዮቿን እና የቤተሰባችንን ችግር የሚቀርፍ አብይ ጉዳይ ስለሆነ ከልብ የምንቀበለው መሆኑን እያረጋገጥን ይህ የጡረታ ተቀናሽ በአንድ ቋት በአዲስ አበባ ሀገረ ስብከት እራሱን ችሎ እንዲደራጅ እየጠየቅን ለተግባራዊነቱ የበኩላችንን ድርሻ የምንወጣ መሆኑን ቃል እንገባለን፤
የቅዱስነትዎ ቡራኬ ይድረስ!
ሰኔ 23 ቀን 2009 ዓ.ም
አዲስ አበባ
ቃለ ጉባዔ ዘጋቢዎች
1.ሊቀ ብርሃናት ተክለማርያም መንገሻ                    
2.ሊቀ ኅሩያን ባዩ ተዘራ                       
3.ሊቀ ሥዩማን አምባዬ አለሙ                       
4.ሊቀ ሥዩማን ጥሩነህ ሸዋዬ                       
5.ሊቀ ሥዩማን የማነብርሃን መሲሁ                   

 
የአዲስ አበባ ሀገረ ሰብከት ለገዳማትና አድባራት አስተዳዳሪዎችና ጸሐፊዎች የሙያ ማሻሻያ ሥልጠና መስጠት ጀመረ

09240

በኢትዮጵያ ኦርቶዶክስ ተዋሕዶ ቤተክርስቲያን የአዲስ አበባ ሀገረ ስብከት ጽ/ቤት ከኢትዮጵያ መጽሐፍ ቅዱስ ማኅበር ጽ/ቤት ጋር በመተባበር ከሰኔ 19-23 ቀን 2009 ዓ.ም ለአምስት ተከታታይ ቀናት የሚቆይ የሥራ ፈጠራ፣ የሊደርፕ ማኔጅመት፣ ሕግ፣የመጽሐፍ ቅዱስ ትምህርት እና ስርጭት ሥልጠና መስጠት ጀምሯል፡፡
ከኢትዮጵያ መጽሐፍ ቅዱስ ማኀበር ተወክለው ሥልጠናውን የሚከታተሉት  መ/ር አቢይ ሀረጉ በማኅበሩ የኦርቶዶክስ ተዋሕዶ ቤተክርስቲያን ዴስክ ኃላፊ በስተላለፉት መልእክት ለሥልጠና ሂደት የሚውሉ የጽሕፈት መሣሪያዎችንና የሰማንያ አሀዱ መጽሐፍ ቅዱስ ለሁሉም ሰልጣኞች በነፃ እንደሚሰጥ ገልፀዋል፡፡ አያይዘውም ማኅበሩ በዚህ ሥልጠና ላይ ለማሳተፍ የቻለበት ዋና ዓላማ ማኅበረሰቡ የእኔ ነው ብሎ መጽሐፍ ቅዱስ እንዲገዛና እዲጠቀምበትም ምቹ ሁኔታዎችን ለመፍጠር ነው፡፡ ሰማንያ አሀዱ መጽሐፍ ቅዱስ ታትሞ የሚመጣው ከሀገር ውጭ በመሆኑ ታትሞ ሀገራችን እስከ ሚደርስ ድረስ ዋጋው መቶ አሥር ዶላር ይደርሳል፡፡በኢትዮጵያ ብር ደግሞ እስከ ሁለት ሺህ አምስት መቶ ብር ይደርሳል፡፡ በዚህ ዋጋ ሕብረተሰቡ መጽሐፍ ቅዱስ የመግዛት አቅም ስለሚአጣ የመጽሐፍ ቅዱስ ማኀበር አባል እንዲሆንና ሕብረተሰቡ ይህን መጽሐፍ ቅዱስ በአቅሙ እንዲገዛና እግዚአብሔርን እንዲአውቅ፣ እምነቱንም እንዲያፀና፣ ሥልጠናውን የወሰዱት ሁሉ ለምዕመናን አስፈላጊውን ትምህርት እንዲሰጡ ለማድረግ ነው፡፡ ማኀበሩ በቀጣዩም ለገዳማቱ እና ለአድባራቱ ሰባክያን መጽሐፍ ቅድስ እንዲሰጣቸው ያደረጋል፡፡ በሞባይላችንም ሆነ በላኘቶፓችን የጫነው መጽሐፍ ቅዱስ ቶሎ ስለሚጠፋ ከዚያ ይልቅ ራሱን መጽሐፍ ቅዱሱን መያዝ ይመረጣል ብለዋል፡፡በመቀጠል መምህር ጎይቶኦም ያይኑ የአዲስ አበባ ሀገረ ስብከት ዋና ሥራ አስኪያጅ የስልጠናውን ይዘትና ዓላማ አስመልክተው ለኢትዮጵያ ኦርቶዶክስ ተዋሕዶ ቤተክርስቲያን የቴሌቬዥን ሥርጭት አገልግሎትና ለሀገረ ስብከቱ ሕትመትና ሥርጭት ክፍል በሰጡት ጋዜጣዊ መግለጫ የሥልጠናው ዋና ዓላማ የሰልጣኞችን አእምሮ ማነሳሳት፣ መቀየር፣ ለሥራ ተነሳሽነት እንዲዘጋጁ ማድረግ ነው፡፡ የአዲስ አበባ ሀገረ ስብከት በዚህ ዓመት ትልቅ ዓላማ አድርጐ የያዘው የሥልጠና ሁኔታን ነው፡፡ ለቤተክርስቲያን የተለያዩ የሥራ ኃላፊዎች ስልጠና መስጠት አለብን ከሚል አንጻር ከመጋቢት ወር 2009 ዓ.ም ጀምሮ የሥልጠና ሥራዎችን ሥናከናውን ነው የቆየነው፡፡
ከዚህ አንጻር በመጀመሪያ አካባቢ ለአድባራትና ገዳማት ሒሳብ ሠራተኞች ስለዘመናዊ የሒሳብ አሠራር በተመለከተ የተለያዩ ሥልጠናዎች ተሰጥተዋል፡፡ሥልጠናው የተሰጠው በቲኦሪና በተግባር በተደገፈ በኮምፒውተር ነው፡፡ በተጨማሪ ለገዳማቱና ለአድባራቱ የኦዲት ሠራተኞች ስለ ኦዲት ሲስተም፣ እንዴት አድርገው ኦዲት ማድረግ እንዳለባቸው ፣እንዴት አድርገው ሒሳብ መዝጋት እንዳለባቸው በባለሙያዎች ሥልጠናውን ለአስር ቀናት ያህል ወስደዋል፡፡ ከዚያም በመቀጠል ለገዳማትና አድባራት የዕለት ገንዘብ ተቀባዮችና ገንዘብ ያዦዎች ከገንዘብ ጋር በተያያዘ ስለንብረትና ገንዘብ አያያዝ በተመለከተ ሥልጠናው ተሰጥቷል፡፡ሠራተኞችን ካሰለጠንን በኋላ የገዳማቱን እና የአድባራቱን አስተዳዳሪዎችና ጸሐፊዎን ማሰልጠን ችለናል፡፡ ሁል ጊዜ ችግር አለ እያልን ማውራታችን ችግሮችን ሊቀርፍልን ስለማይችል የግድ የአሠራር ሲስተሞችን በመዘርጋት እና የተለያዩ የእውቀት ዘርፎች እንዲፈጠሩ ለማድረግ የዕውቀት ሥልጠና መስጠት አስፈላጊ ስለሆነ በአሁኑ ሰዓት ሥልጠናውን እየሰጠን እንገኛለን፡፡
በዚህ ሥልጠና በኃላፊነት ላይ ያሉ የሁሉም ገዳማትና አድባራት አስተዳዳሪዎችና ጸሐፊዎች ይሳተፋሉ፡፡አሰልጣኞችን በተመለከተ የቤተክርስቲያናችን ልጆች የሆኑ የተለያዩ ሙያ ያላቸው ሲሆኑ በራሳቸው ሥራን የፈጠሩ እና ለኢትዮጵያ ምሳሌ የሆኑ እነ ዶክተር  ወረታው አሰልጣኝ እንዲሆኑ ተመርጠዋል፡፡  በቀጣዩ የሥልጠና ጊዜያትም ስለመልካም አስተዳደር ፣ ስለሊደርሽኘ፣ስለ ቼንጅ ማኔጅመንት፣ስለሕግ ስልጠና ይሰጣል፡፡ ከሲቪል ሰርቪስ የሚመጡ አሰልጣኞች አሉ፡፡ ከኢትዮጵያ መጽሐፍ ቅድስ ማኀበር ስለመጽሐፍ ቅዱስ ሥርጭት በተመለከተ በሥልጠናው ይሳተፋል፡፡ ከሀገረ ስብከትም የሚገኙ ባለሙያዎች ሥልጠናውን ይሰጣሉ፤ ይህ ሥልጠና የመጀመሪያችን እንጂ የመጨረሻችን አይደለም፡፡
በመጀመሪያ ትኩረት ያደረግነው ከፋይናንሱ ላይ ነው፡፡ ሠራተኞቹ ዘመኑን እንዲከተሉ ለማድረግ የተለያዩ አሰልጣኞችን እየመረጥን ነው የምናሰለጥነው፡፡ የኢትዮጵያ መጽሐፍ ቅዱስ ማኀበር ዋና ሥራው የተለያዩ መንፈሳዊ መጻሕፍትን መተርጎምና ማሰራጨት መሆኑ ይታወቃል፡፡ ከዚህ አንጻር በከተማችን በአዲስ አበባ ሀገረ ስብከት ለአገልጋዮች መጽሐፍ ቅዱስ በማሰራጨት ትልቅ አስተዋጽኦ አድርጓል፡፡ በመጨረሻም በኢትዮጵያ ኦርቶዶክስ ተዋሕዶ በተክርስቲያን ስም የታተመው ሰማንያ አሀዱ መጽሐፍ ቅዱስ ለሥልጠናው ተሣታፊ ሁሉ በነፃ ይታደላል ብለን ተስፋ እናደርጋለን፡፡ ከዚህ ሥልጠና የምንጠብቀው ትልቁ ውጤት የተሻለ አሠራር፣ ግልጽነትና ለሕሊና ተገዢ የሆነ አሠራር እንዲፈጠር ነው፡፡ ከላይ እስከ ታች በካህናትም በምዕመናንም የተለያዩ ችግሮች እንደሚከሠቱ ይታወቃል፡፡ ስለዚህ በየጊዜው ችግሩን ከማንሳት ይልቅ ችግሩን ሊቀርፍልን የሚችል ሲስተም መዘርጋት አስፈላጊ ነው፡፡ ትልቁን ችግር ሊቀርፍልን የሚችለው ደግሞ ሥልጠና መሆኑ  በዋናነት ሊጠቀስ ይችላል፡፡ ካለመማር የተነሣ ሕዝብ ሊጠፋ እንደሚችል መጽሐፍ ቅዱስም ይናገራል ፡፡ ካለማዎቅ፣ ካለመረዳት እና ከግንዛቤ ማነስ የተነሣ የአሠራር ክፍተት ይፈጠራል፡፡ የተሻለ ፣ዘመናዊ፣ ግልጽነት ያለውና ቤተክርስቲያንን የሚጠቅም አሠራር ይኖራል ብለን ተስፋ እናደርጋለን፡፡
የዚህ ስልጠና ቀጣይነት ቀደም ሲል የተለያዩሥልጠናዎች እንደተሰጡ ሁሉ በቀጣዩም በገዳማትና አድባራት ደረጃ የተለያዩ የሥራ ኃላፊዎች፣ ሰባክያን፣ሠራተኞች፣ የሰበካ ጉባኤ አባላት፣ ካህናትና ልዩ ልዩ አገልጋዮች ስልጠና ይካሄዳል ብለን ተስፋ እናደርጋለን፡፡ የሀገረ ስብከቱም የፋይናንስ ኃላፊዎችና ሠራተኞች ዘመናዊ የሒሳብ አያያዝ ሥራ እንዲሠሩ እያደረግን ነው፡፡እነዚህ ሁሉ በእቅዳችን ላይ የተካተ ናቸው፡፡
በአዲስ አበባ ሀገረ ስብከት የተሻለ አሠራርና የተሻለ ለውጥ ለማምጣት ጥረቶችን እያደረግን ስለሆነ የቤተክርስቱያንን የልማት ዕድገት ከፍ ለማድረግ፣ ዘመናዊና የተሻለ ለውጥ ለማምጣት ቁጭት ያለባቸው ባለሃብቶችም፣ ባለሙያዎችም ይኖራሉ፡፡ ከዚህ አንጻር ሀገረ ስብከቱ ለውጥ ለማምጣት በሂደት ላይ ስለሆን ሀገረ ስብከቱንና ቤተክርስቲያንን ለማገዝ ካህናትም፣የሰንበት ተማሪዎችም፣ ምዕመናንም የተሻለና ዘመኑን የዋጀ አሠራር ለመፍጠር አብረን ብንሠራ ለውጥ ማምጣት እንችላለን፡፡ ስለዚህ በአንድ ተሰልፈን ለውጥ ለማምጣት አብረን ብንሠራ የተሻለ ነው በማለት ዋና ሥራ አስኪያጅ ሰፋ ያለ ጋዜጣዊ መግለጫ ሰጥተዋል፡፡

ሙሉ የሥልጠናውን ማንዋል ለማንበብ እዚሁ ላይ ይጫኑ/to read all the training manual click here (leadership and change mgt)

 
ብፁዕ ወቅዱስ ፓትርያርኩ በተለምዶ 22 እየተባለ በሚጠራው አካባቢ በመገንባት ላይ ያለውን የመንበረ ጸባዖት ቅድስት ሥላሴ ካቴድራል ሁለገብ ሕንጻ ጎበኙ!!

0808

ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘክሱም ወእጨጌ ዘመንበረ ተክለሃይማኖት በተለምዶ 22 ሁለት እየተባለ በሚጠራው አካባቢና ጎላጎል ሕንጻ ጎን እየተገነባ የሚገኘውን የመንበረ ጸባዖት ቅድስት ሥላሴ ካቴድራል ሁለገብ የልማት ሕንጻ አርብ ሰኔ 2 ቀን 2009 ዓ.ም ከቦታው ድረስ ተገኝተው ጎብኝተዋል፡፡
የጉብኝቱ መርሐ ግብር በተካሄደበት በዚሁ ዕለት ብፁዓን አበው ሊቃነ ጳጳሳት፣ የአዲስ አበባ ሀገረ ስብከት ዋና ሥራ አስኪያጅ መምህር ጎይቶኦም ያይኑ የተገኙ ሲሆን የመንበረ ጸባዖት ቅድስት ሥላሴ ካቴድራል የሥራ ኃላፊዎችና ሠራተኞችም ቀድመው ከቦታው ድረስ በመገኘት ለቅዱስነታቸው፣ ለብፁዓን ሊቃነ ጳጳሳትና ለሀገረ ስብከቱ ዋና ሥራ አስኪያጅ ለመምህር ጎይቶኦም ያይኑ ደማቅ አቀባበር አድርገውላቸዋል፡፡
የሕንጻውን የግንባታ ሥራ በባለሙያነት የሚመሩት ባለሙያዎች በጉብኝቱ ወቅት እንዳብራሩት የሕንጻው ግንባታ ሥራ ከተጀመረ የ9 ዓመት እድሜ ያለው ቢሆንም ነገር ግን ቀደም ሲል የግንባታው ሥራ የመዋቅር ችግሮች፣ የጎደሉ ምሰሶዎችና አግዳሚዎች የነበሩበት ሆኖ በመገኘቱ ክለሳ (ማስተካከያ) የተደረገበት ስለሆነ አሁን የሕንጻው ግንባታ በተመቻቸ መዋቅር ላይ ይገኛል፡፡  በባለሙያዎቹ እንደተብራራው የዲዛይን ክለሳ ሥራም ተከናውኗል፡፡ የግንባታው ሥራው እየተፋጠነ የሚገኘው ይህ ባለ 6 ፎቅ ዘመናዊና ግዙፍ ሕንጻ በውስጡ ዘመናዊ ቢሮዎች፣ የመሰብሰቢያ አዳራሽ እና ሌሎችም የገበያ ማዕከል ያካተተ ነው፡፡

0817


የካቴድራሉ ዋና ጸሐፊ መምህር ሰሎሞን በቀለ ባቀረቡት በጽሑፍ የተደገፈ ሪፖርት ላይ እንደተገለጸው የመንበረ ጸባዖት ቅድስት ሥላሴ ካቴድራል ቦታ የቤተ ክርስቲያኑ ታላቅ ባለውለታ ከነበሩት በኲረ ምዕመናን ከበደ ተካልኝ በ1996 ዓ.ም በስጦታ የተገኘ ሲሆን የቦታው አጠቃላይ ስፋት በካርታው ላይ እንደሚታየው 1636 ካሬ ሜትር ስፋት ያለው እና አሁን በግንባታ ላይ ያለው ሕንጻም የዲዛይን ሥራውን ከሠራው ኤምጂኤም ኮንሰልት እንደተረዳነውና ፕላኑም እንደሚያሳየው ሕንጻው ያረፈበት ቦታ 1080 ካ.ሜ ሲሆን ቀደም ሲል በ1999 ዓ.ም የነበረው የሰበካ ጉባዔ አስተዳደርና የልማት ኮሚቴ የሕንጻ ግንባታውን ለማስጀመር ኤምጂኤም ኮንሰልት በተባለው አማካሪ ድርጅት የከተማውን ማስተር ፕላን መሠረት ባደረገ መልኩ የዲዛይን ሥራውን በማስጠናት የሕንጻው ከፍታ ቤዝመንት፣ ምድር ቤትና ባለ አራት ፎቅ ሕንጻ ለማስገንባት የግንባታ ፈቃድ ከግንባታ ቁጥጥርና ባለሥልጣን በማስፈቀድ በ2000 ዓ.ም ኃይለ ልዑል ተክለ ማርያም ከተባለው የሕንጻ ግንባታ ድርጅት ጋር የግንባታ ውል እንዲሁም ካማካሪ ድርጅት ጋር ደግሞ የሕንጻ ቁጥጥርና የማማከር ሥራውን ውል በመፈጸም የግንባታ ሥራው ተጀምሮ ሣለ የሕንጻው ተቆጣጣሪ መሐንዲሱ ሥራውን በተገቢው ሁኔታ  ባለመቆጣጠሩና የተሰጠውን ኃላፊነት በአግባቡ ባለመወጣቱ እንዲሁም የግንባታ ሥራው በአግባቡ እየተሠራ ባለመሆኑና በተጨማሪ በኮንስትራክሽን ድርጅቱ የሚጠየቀው ተገቢ ያልሆነ የገንዘብ ክፍያ ጥያቄ በካቴድራሉ የምሐንድስና ቴክኒክ ባለሞያዎች እንዲጣራ ተደርገጎ የግንባታ ሥራውም ሆነ የተጠየቀው ክፍያ ትክክል አለመሆኑን በቴክኒክ ኮሚቴው አባላት ተጣርቶ በመቅረቡ ከሕንጻ ተቋራጩ ድርጅት ጋር ከፍተኛ የሆነ ግጭት ተፈጥሮ ከ2004 እስከ 2007 ዓ.ም ጥር ወር ድረስ ሥራው ተቋርጦ ጉዳዩ ወደ ፍርድ ቤት አምርቶና ውሳኔ አግኝቶ ቀደም ሲል የዲዛይን ሥራውን ከሠራው ድርጅት ጋር ውል በመፈጸም በብፁዕ ወቅዱስ አባታችን በተሠጠው መመሪያ ተግባራዊ ለማድረግ ከዚሁ ድርጅት ጋር በመመካከር በፊት የተሠራው የሕንፃው ዲዛይን ለዕንግዳ ማረፊያ (ገስት ሀውስ) አገልግሎት መዋሉ ቀርቶ ለገበያ ማዕከልና ተያያዥ ሥራዎች እንዲውል በጠየቅነው መሠረት አማካሪ ድርጅቱ የዲዛይን ክለሳ በማድረግ ቀደም ሲል የነበረው አገልግሎት ተቀይሮ እንዲሁም አምስት ፎቅ የነበረው ወደ ስድስት ከፍ ብሎ ተሠርቶ ይህንኑ ዲዛይን ለግንባታ ፈቃድና ክትትል ባለሥልጣን ቀርቦ በተሠራው ዲዛይን መሠረት ግንባታው እንዲቀጥል በ2005 ዓ.ም ፈቃድ ተሠጥቶ የሕንጻ ግንባታውን እንደገና ለማስቀጠል የሀገሪቱን ብሔራዊ የጨረታ ሕግ በመከተል ግልጽ ጨረታ በማውጣትና በማወዳደር ጨረታውን ካሸነፈው ባማኮን ኢንጅነሪንግ ከተባለው ሥራ ተቋራጭ ጋር ህጋዊ የኮንስትራክሽን ውል ስምምነት በ2007 ዓ.ም የስትራክቸራል ሥራውን ማለትም ቦሎኬት ደርድሮ፣ ልስን ለስኖ፣ የመብራትና የውሃ እንዲሁም ተያያዥ ሥራዎችን ሠርቶ ሊያስረክብ ከ31,000,000.00 (ሰላሳ አንድ ሚሊዮን ብር) በላይ ውል በመፈጸም ወደ ሥራ የተገባ ቢሆንም አሁን ሥራውን እየሠራ ያለው ባማኮን ኢንጅነሪንግ የግንባታ ሥራውን ለመጀመር የኮንስትራክሽን እና የብረት ጥንካሬው ሳይፈተሽ (ቴስት ሳይደረግ) ሥራ እንደማይጀመር በመግለጹ ይኸው በድርጅቱ የቀረበው ጥያቄ በአማካሪ መሐንዲሱና በካቴድራሉ የቴክኒክ ባለሞያዎች የተደገፈ በመሆኑ የፍተሻ ተግባሩ በመንግሥትና ግል ድርጅቶች ተፈፅሞ ውጤቱ እንደሚያሳየው ከመሠረት ጀምሮ ከፕላን ትዕዛዝና ዝርዝር ሥራ ውጪ የኮንክሪት ሥራዎቹ በፕላኑ መሠረት በትክክል ባለመሠራታቸው ምክንያት በአማካሪው ድርጅት በኩል እንደገና የዳሰሳ ጥናት ተደርጎ ከመሠረት (ከፉቲንግ ፓድ) ጀምሮ እስከ ሁለተኛ ፎቅ ድረስ ማጠናከሪያ ሥራ የተሠራ ሲሆን ለዚህም በተጨማሪ ሥራ ምክንያት የካቴድራሉ ሰበካ ጉባዔ ጽ/ቤት ለተጨማሪ ወጪ የተዳረገ ሲሆን በአጠቃላይ ይህንን የተጨማሪ ክፍያ ጨምሮ የሕንጻ ግንባታው ሥራ እስከ አሁን ድረስ ብር 20,000,000 (ሃያ ሚሊዮን ብር) በላይ ወጪ ተደርጓል በማለት ገልጸዋል፡፡
በመጨረሻም ብፁዕ ወቅዱስ አባታችን ባስተላለፉት አባታዊ መመሪያና መልእክት ሕንጻውን ስንመለከተው ከሰማነው በላይ ሆኖ አግኝተነዋል፡፡ በእጅጉም ተደስተናል፡፡ የተደረገውም የማሻሻያ ሥራ ተገቢ ነው የሥራው አስተማማኝነት እየተመለከትን የሚገባውን ሁሉ እየተመካከርን ይፈጸማል፡፡ ለዚህ ሕንጻ ግንባታ እንዲውል ቦታውን በስጦታ ያበረከቱት ግለሰብ እግዚአብሔር አምላክ ነፍሳቸውን በዓለመ መንግሥተ ሰማያት እንዲያሳርፍልን እንጸልያለን፡፡ የሕንጻውንም ሥራ በሙያ የሚከታተሉትን ባለሙያዎች ለሥራው ጥራት የሚያደርጉትን አስተዋጽኦ እያበረታታን የሕንጻው ግንባታው በታቀደበት ጊዜ እንዲያልቅ ሁሉም የበኩልን አስተዋጽኦ እንዲያደርግ ይገባል በማለት አባታዊ መመሪያና መልእክት አስተላልፈዋል፡፡

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 5 ከ 104

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ