መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc-churches.org/site/components/com_gk2_photoslide/images/thumbm/590538kidste_mariam.jpg http://www.addisababa.eotc-churches.org/site/components/com_gk2_photoslide/images/thumbm/895720giorgis.jpg http://www.addisababa.eotc-churches.org/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc-churches.org/site/components/com_gk2_photoslide/images/thumbm/683566trinity.jpg http://www.addisababa.eotc-churches.org/site/components/com_gk2_photoslide/images/thumbm/821897entoto_mariam.jpg http://www.addisababa.eotc-churches.org/site/components/com_gk2_photoslide/images/thumbm/310283meskaye_1.jpg http://www.addisababa.eotc-churches.org/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc-churches.org/site/components/com_gk2_photoslide/images/thumbm/578084urael.jpg http://www.addisababa.eotc-churches.org/site/components/com_gk2_photoslide/images/thumbm/812647gebrie_gedam.jpg http://www.addisababa.eotc-churches.org/site/components/com_gk2_photoslide/images/thumbm/681179raguel.jpg
የአዲስ አበባ ሀገረ ሰብከት ለገዳማትና አድባራት አስተዳዳሪዎችና ጸሐፊዎች የሙያ ማሻሻያ ሥልጠና መስጠት ጀመረ

09240

በኢትዮጵያ ኦርቶዶክስ ተዋሕዶ ቤተክርስቲያን የአዲስ አበባ ሀገረ ስብከት ጽ/ቤት ከኢትዮጵያ መጽሐፍ ቅዱስ ማኅበር ጽ/ቤት ጋር በመተባበር ከሰኔ 19-23 ቀን 2009 ዓ.ም ለአምስት ተከታታይ ቀናት የሚቆይ የሥራ ፈጠራ፣ የሊደርፕ ማኔጅመት፣ ሕግ፣የመጽሐፍ ቅዱስ ትምህርት እና ስርጭት ሥልጠና መስጠት ጀምሯል፡፡
ከኢትዮጵያ መጽሐፍ ቅዱስ ማኀበር ተወክለው ሥልጠናውን የሚከታተሉት  መ/ር አቢይ ሀረጉ በማኅበሩ የኦርቶዶክስ ተዋሕዶ ቤተክርስቲያን ዴስክ ኃላፊ በስተላለፉት መልእክት ለሥልጠና ሂደት የሚውሉ የጽሕፈት መሣሪያዎችንና የሰማንያ አሀዱ መጽሐፍ ቅዱስ ለሁሉም ሰልጣኞች በነፃ እንደሚሰጥ ገልፀዋል፡፡ አያይዘውም ማኅበሩ በዚህ ሥልጠና ላይ ለማሳተፍ የቻለበት ዋና ዓላማ ማኅበረሰቡ የእኔ ነው ብሎ መጽሐፍ ቅዱስ እንዲገዛና እዲጠቀምበትም ምቹ ሁኔታዎችን ለመፍጠር ነው፡፡ ሰማንያ አሀዱ መጽሐፍ ቅዱስ ታትሞ የሚመጣው ከሀገር ውጭ በመሆኑ ታትሞ ሀገራችን እስከ ሚደርስ ድረስ ዋጋው መቶ አሥር ዶላር ይደርሳል፡፡በኢትዮጵያ ብር ደግሞ እስከ ሁለት ሺህ አምስት መቶ ብር ይደርሳል፡፡ በዚህ ዋጋ ሕብረተሰቡ መጽሐፍ ቅዱስ የመግዛት አቅም ስለሚአጣ የመጽሐፍ ቅዱስ ማኀበር አባል እንዲሆንና ሕብረተሰቡ ይህን መጽሐፍ ቅዱስ በአቅሙ እንዲገዛና እግዚአብሔርን እንዲአውቅ፣ እምነቱንም እንዲያፀና፣ ሥልጠናውን የወሰዱት ሁሉ ለምዕመናን አስፈላጊውን ትምህርት እንዲሰጡ ለማድረግ ነው፡፡ ማኀበሩ በቀጣዩም ለገዳማቱ እና ለአድባራቱ ሰባክያን መጽሐፍ ቅድስ እንዲሰጣቸው ያደረጋል፡፡ በሞባይላችንም ሆነ በላኘቶፓችን የጫነው መጽሐፍ ቅዱስ ቶሎ ስለሚጠፋ ከዚያ ይልቅ ራሱን መጽሐፍ ቅዱሱን መያዝ ይመረጣል ብለዋል፡፡በመቀጠል መምህር ጎይቶኦም ያይኑ የአዲስ አበባ ሀገረ ስብከት ዋና ሥራ አስኪያጅ የስልጠናውን ይዘትና ዓላማ አስመልክተው ለኢትዮጵያ ኦርቶዶክስ ተዋሕዶ ቤተክርስቲያን የቴሌቬዥን ሥርጭት አገልግሎትና ለሀገረ ስብከቱ ሕትመትና ሥርጭት ክፍል በሰጡት ጋዜጣዊ መግለጫ የሥልጠናው ዋና ዓላማ የሰልጣኞችን አእምሮ ማነሳሳት፣ መቀየር፣ ለሥራ ተነሳሽነት እንዲዘጋጁ ማድረግ ነው፡፡ የአዲስ አበባ ሀገረ ስብከት በዚህ ዓመት ትልቅ ዓላማ አድርጐ የያዘው የሥልጠና ሁኔታን ነው፡፡ ለቤተክርስቲያን የተለያዩ የሥራ ኃላፊዎች ስልጠና መስጠት አለብን ከሚል አንጻር ከመጋቢት ወር 2009 ዓ.ም ጀምሮ የሥልጠና ሥራዎችን ሥናከናውን ነው የቆየነው፡፡
ከዚህ አንጻር በመጀመሪያ አካባቢ ለአድባራትና ገዳማት ሒሳብ ሠራተኞች ስለዘመናዊ የሒሳብ አሠራር በተመለከተ የተለያዩ ሥልጠናዎች ተሰጥተዋል፡፡ሥልጠናው የተሰጠው በቲኦሪና በተግባር በተደገፈ በኮምፒውተር ነው፡፡ በተጨማሪ ለገዳማቱና ለአድባራቱ የኦዲት ሠራተኞች ስለ ኦዲት ሲስተም፣ እንዴት አድርገው ኦዲት ማድረግ እንዳለባቸው ፣እንዴት አድርገው ሒሳብ መዝጋት እንዳለባቸው በባለሙያዎች ሥልጠናውን ለአስር ቀናት ያህል ወስደዋል፡፡ ከዚያም በመቀጠል ለገዳማትና አድባራት የዕለት ገንዘብ ተቀባዮችና ገንዘብ ያዦዎች ከገንዘብ ጋር በተያያዘ ስለንብረትና ገንዘብ አያያዝ በተመለከተ ሥልጠናው ተሰጥቷል፡፡ሠራተኞችን ካሰለጠንን በኋላ የገዳማቱን እና የአድባራቱን አስተዳዳሪዎችና ጸሐፊዎን ማሰልጠን ችለናል፡፡ ሁል ጊዜ ችግር አለ እያልን ማውራታችን ችግሮችን ሊቀርፍልን ስለማይችል የግድ የአሠራር ሲስተሞችን በመዘርጋት እና የተለያዩ የእውቀት ዘርፎች እንዲፈጠሩ ለማድረግ የዕውቀት ሥልጠና መስጠት አስፈላጊ ስለሆነ በአሁኑ ሰዓት ሥልጠናውን እየሰጠን እንገኛለን፡፡
በዚህ ሥልጠና በኃላፊነት ላይ ያሉ የሁሉም ገዳማትና አድባራት አስተዳዳሪዎችና ጸሐፊዎች ይሳተፋሉ፡፡አሰልጣኞችን በተመለከተ የቤተክርስቲያናችን ልጆች የሆኑ የተለያዩ ሙያ ያላቸው ሲሆኑ በራሳቸው ሥራን የፈጠሩ እና ለኢትዮጵያ ምሳሌ የሆኑ እነ ዶክተር  ወረታው አሰልጣኝ እንዲሆኑ ተመርጠዋል፡፡  በቀጣዩ የሥልጠና ጊዜያትም ስለመልካም አስተዳደር ፣ ስለሊደርሽኘ፣ስለ ቼንጅ ማኔጅመንት፣ስለሕግ ስልጠና ይሰጣል፡፡ ከሲቪል ሰርቪስ የሚመጡ አሰልጣኞች አሉ፡፡ ከኢትዮጵያ መጽሐፍ ቅድስ ማኀበር ስለመጽሐፍ ቅዱስ ሥርጭት በተመለከተ በሥልጠናው ይሳተፋል፡፡ ከሀገረ ስብከትም የሚገኙ ባለሙያዎች ሥልጠናውን ይሰጣሉ፤ ይህ ሥልጠና የመጀመሪያችን እንጂ የመጨረሻችን አይደለም፡፡
በመጀመሪያ ትኩረት ያደረግነው ከፋይናንሱ ላይ ነው፡፡ ሠራተኞቹ ዘመኑን እንዲከተሉ ለማድረግ የተለያዩ አሰልጣኞችን እየመረጥን ነው የምናሰለጥነው፡፡ የኢትዮጵያ መጽሐፍ ቅዱስ ማኀበር ዋና ሥራው የተለያዩ መንፈሳዊ መጻሕፍትን መተርጎምና ማሰራጨት መሆኑ ይታወቃል፡፡ ከዚህ አንጻር በከተማችን በአዲስ አበባ ሀገረ ስብከት ለአገልጋዮች መጽሐፍ ቅዱስ በማሰራጨት ትልቅ አስተዋጽኦ አድርጓል፡፡ በመጨረሻም በኢትዮጵያ ኦርቶዶክስ ተዋሕዶ በተክርስቲያን ስም የታተመው ሰማንያ አሀዱ መጽሐፍ ቅዱስ ለሥልጠናው ተሣታፊ ሁሉ በነፃ ይታደላል ብለን ተስፋ እናደርጋለን፡፡ ከዚህ ሥልጠና የምንጠብቀው ትልቁ ውጤት የተሻለ አሠራር፣ ግልጽነትና ለሕሊና ተገዢ የሆነ አሠራር እንዲፈጠር ነው፡፡ ከላይ እስከ ታች በካህናትም በምዕመናንም የተለያዩ ችግሮች እንደሚከሠቱ ይታወቃል፡፡ ስለዚህ በየጊዜው ችግሩን ከማንሳት ይልቅ ችግሩን ሊቀርፍልን የሚችል ሲስተም መዘርጋት አስፈላጊ ነው፡፡ ትልቁን ችግር ሊቀርፍልን የሚችለው ደግሞ ሥልጠና መሆኑ  በዋናነት ሊጠቀስ ይችላል፡፡ ካለመማር የተነሣ ሕዝብ ሊጠፋ እንደሚችል መጽሐፍ ቅዱስም ይናገራል ፡፡ ካለማዎቅ፣ ካለመረዳት እና ከግንዛቤ ማነስ የተነሣ የአሠራር ክፍተት ይፈጠራል፡፡ የተሻለ ፣ዘመናዊ፣ ግልጽነት ያለውና ቤተክርስቲያንን የሚጠቅም አሠራር ይኖራል ብለን ተስፋ እናደርጋለን፡፡
የዚህ ስልጠና ቀጣይነት ቀደም ሲል የተለያዩሥልጠናዎች እንደተሰጡ ሁሉ በቀጣዩም በገዳማትና አድባራት ደረጃ የተለያዩ የሥራ ኃላፊዎች፣ ሰባክያን፣ሠራተኞች፣ የሰበካ ጉባኤ አባላት፣ ካህናትና ልዩ ልዩ አገልጋዮች ስልጠና ይካሄዳል ብለን ተስፋ እናደርጋለን፡፡ የሀገረ ስብከቱም የፋይናንስ ኃላፊዎችና ሠራተኞች ዘመናዊ የሒሳብ አያያዝ ሥራ እንዲሠሩ እያደረግን ነው፡፡እነዚህ ሁሉ በእቅዳችን ላይ የተካተ ናቸው፡፡
በአዲስ አበባ ሀገረ ስብከት የተሻለ አሠራርና የተሻለ ለውጥ ለማምጣት ጥረቶችን እያደረግን ስለሆነ የቤተክርስቱያንን የልማት ዕድገት ከፍ ለማድረግ፣ ዘመናዊና የተሻለ ለውጥ ለማምጣት ቁጭት ያለባቸው ባለሃብቶችም፣ ባለሙያዎችም ይኖራሉ፡፡ ከዚህ አንጻር ሀገረ ስብከቱ ለውጥ ለማምጣት በሂደት ላይ ስለሆን ሀገረ ስብከቱንና ቤተክርስቲያንን ለማገዝ ካህናትም፣የሰንበት ተማሪዎችም፣ ምዕመናንም የተሻለና ዘመኑን የዋጀ አሠራር ለመፍጠር አብረን ብንሠራ ለውጥ ማምጣት እንችላለን፡፡ ስለዚህ በአንድ ተሰልፈን ለውጥ ለማምጣት አብረን ብንሠራ የተሻለ ነው በማለት ዋና ሥራ አስኪያጅ ሰፋ ያለ ጋዜጣዊ መግለጫ ሰጥተዋል፡፡

ሙሉ የሥልጠናውን ማንዋል ለማንበብ እዚሁ ላይ ይጫኑ/to read all the training manual click here (leadership and change mgt)

 
ብፁዕ ወቅዱስ ፓትርያርኩ በተለምዶ 22 እየተባለ በሚጠራው አካባቢ በመገንባት ላይ ያለውን የመንበረ ጸባዖት ቅድስት ሥላሴ ካቴድራል ሁለገብ ሕንጻ ጎበኙ!!

0808

ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘክሱም ወእጨጌ ዘመንበረ ተክለሃይማኖት በተለምዶ 22 ሁለት እየተባለ በሚጠራው አካባቢና ጎላጎል ሕንጻ ጎን እየተገነባ የሚገኘውን የመንበረ ጸባዖት ቅድስት ሥላሴ ካቴድራል ሁለገብ የልማት ሕንጻ አርብ ሰኔ 2 ቀን 2009 ዓ.ም ከቦታው ድረስ ተገኝተው ጎብኝተዋል፡፡
የጉብኝቱ መርሐ ግብር በተካሄደበት በዚሁ ዕለት ብፁዓን አበው ሊቃነ ጳጳሳት፣ የአዲስ አበባ ሀገረ ስብከት ዋና ሥራ አስኪያጅ መምህር ጎይቶኦም ያይኑ የተገኙ ሲሆን የመንበረ ጸባዖት ቅድስት ሥላሴ ካቴድራል የሥራ ኃላፊዎችና ሠራተኞችም ቀድመው ከቦታው ድረስ በመገኘት ለቅዱስነታቸው፣ ለብፁዓን ሊቃነ ጳጳሳትና ለሀገረ ስብከቱ ዋና ሥራ አስኪያጅ ለመምህር ጎይቶኦም ያይኑ ደማቅ አቀባበር አድርገውላቸዋል፡፡
የሕንጻውን የግንባታ ሥራ በባለሙያነት የሚመሩት ባለሙያዎች በጉብኝቱ ወቅት እንዳብራሩት የሕንጻው ግንባታ ሥራ ከተጀመረ የ9 ዓመት እድሜ ያለው ቢሆንም ነገር ግን ቀደም ሲል የግንባታው ሥራ የመዋቅር ችግሮች፣ የጎደሉ ምሰሶዎችና አግዳሚዎች የነበሩበት ሆኖ በመገኘቱ ክለሳ (ማስተካከያ) የተደረገበት ስለሆነ አሁን የሕንጻው ግንባታ በተመቻቸ መዋቅር ላይ ይገኛል፡፡  በባለሙያዎቹ እንደተብራራው የዲዛይን ክለሳ ሥራም ተከናውኗል፡፡ የግንባታው ሥራው እየተፋጠነ የሚገኘው ይህ ባለ 6 ፎቅ ዘመናዊና ግዙፍ ሕንጻ በውስጡ ዘመናዊ ቢሮዎች፣ የመሰብሰቢያ አዳራሽ እና ሌሎችም የገበያ ማዕከል ያካተተ ነው፡፡

0817


የካቴድራሉ ዋና ጸሐፊ መምህር ሰሎሞን በቀለ ባቀረቡት በጽሑፍ የተደገፈ ሪፖርት ላይ እንደተገለጸው የመንበረ ጸባዖት ቅድስት ሥላሴ ካቴድራል ቦታ የቤተ ክርስቲያኑ ታላቅ ባለውለታ ከነበሩት በኲረ ምዕመናን ከበደ ተካልኝ በ1996 ዓ.ም በስጦታ የተገኘ ሲሆን የቦታው አጠቃላይ ስፋት በካርታው ላይ እንደሚታየው 1636 ካሬ ሜትር ስፋት ያለው እና አሁን በግንባታ ላይ ያለው ሕንጻም የዲዛይን ሥራውን ከሠራው ኤምጂኤም ኮንሰልት እንደተረዳነውና ፕላኑም እንደሚያሳየው ሕንጻው ያረፈበት ቦታ 1080 ካ.ሜ ሲሆን ቀደም ሲል በ1999 ዓ.ም የነበረው የሰበካ ጉባዔ አስተዳደርና የልማት ኮሚቴ የሕንጻ ግንባታውን ለማስጀመር ኤምጂኤም ኮንሰልት በተባለው አማካሪ ድርጅት የከተማውን ማስተር ፕላን መሠረት ባደረገ መልኩ የዲዛይን ሥራውን በማስጠናት የሕንጻው ከፍታ ቤዝመንት፣ ምድር ቤትና ባለ አራት ፎቅ ሕንጻ ለማስገንባት የግንባታ ፈቃድ ከግንባታ ቁጥጥርና ባለሥልጣን በማስፈቀድ በ2000 ዓ.ም ኃይለ ልዑል ተክለ ማርያም ከተባለው የሕንጻ ግንባታ ድርጅት ጋር የግንባታ ውል እንዲሁም ካማካሪ ድርጅት ጋር ደግሞ የሕንጻ ቁጥጥርና የማማከር ሥራውን ውል በመፈጸም የግንባታ ሥራው ተጀምሮ ሣለ የሕንጻው ተቆጣጣሪ መሐንዲሱ ሥራውን በተገቢው ሁኔታ  ባለመቆጣጠሩና የተሰጠውን ኃላፊነት በአግባቡ ባለመወጣቱ እንዲሁም የግንባታ ሥራው በአግባቡ እየተሠራ ባለመሆኑና በተጨማሪ በኮንስትራክሽን ድርጅቱ የሚጠየቀው ተገቢ ያልሆነ የገንዘብ ክፍያ ጥያቄ በካቴድራሉ የምሐንድስና ቴክኒክ ባለሞያዎች እንዲጣራ ተደርገጎ የግንባታ ሥራውም ሆነ የተጠየቀው ክፍያ ትክክል አለመሆኑን በቴክኒክ ኮሚቴው አባላት ተጣርቶ በመቅረቡ ከሕንጻ ተቋራጩ ድርጅት ጋር ከፍተኛ የሆነ ግጭት ተፈጥሮ ከ2004 እስከ 2007 ዓ.ም ጥር ወር ድረስ ሥራው ተቋርጦ ጉዳዩ ወደ ፍርድ ቤት አምርቶና ውሳኔ አግኝቶ ቀደም ሲል የዲዛይን ሥራውን ከሠራው ድርጅት ጋር ውል በመፈጸም በብፁዕ ወቅዱስ አባታችን በተሠጠው መመሪያ ተግባራዊ ለማድረግ ከዚሁ ድርጅት ጋር በመመካከር በፊት የተሠራው የሕንፃው ዲዛይን ለዕንግዳ ማረፊያ (ገስት ሀውስ) አገልግሎት መዋሉ ቀርቶ ለገበያ ማዕከልና ተያያዥ ሥራዎች እንዲውል በጠየቅነው መሠረት አማካሪ ድርጅቱ የዲዛይን ክለሳ በማድረግ ቀደም ሲል የነበረው አገልግሎት ተቀይሮ እንዲሁም አምስት ፎቅ የነበረው ወደ ስድስት ከፍ ብሎ ተሠርቶ ይህንኑ ዲዛይን ለግንባታ ፈቃድና ክትትል ባለሥልጣን ቀርቦ በተሠራው ዲዛይን መሠረት ግንባታው እንዲቀጥል በ2005 ዓ.ም ፈቃድ ተሠጥቶ የሕንጻ ግንባታውን እንደገና ለማስቀጠል የሀገሪቱን ብሔራዊ የጨረታ ሕግ በመከተል ግልጽ ጨረታ በማውጣትና በማወዳደር ጨረታውን ካሸነፈው ባማኮን ኢንጅነሪንግ ከተባለው ሥራ ተቋራጭ ጋር ህጋዊ የኮንስትራክሽን ውል ስምምነት በ2007 ዓ.ም የስትራክቸራል ሥራውን ማለትም ቦሎኬት ደርድሮ፣ ልስን ለስኖ፣ የመብራትና የውሃ እንዲሁም ተያያዥ ሥራዎችን ሠርቶ ሊያስረክብ ከ31,000,000.00 (ሰላሳ አንድ ሚሊዮን ብር) በላይ ውል በመፈጸም ወደ ሥራ የተገባ ቢሆንም አሁን ሥራውን እየሠራ ያለው ባማኮን ኢንጅነሪንግ የግንባታ ሥራውን ለመጀመር የኮንስትራክሽን እና የብረት ጥንካሬው ሳይፈተሽ (ቴስት ሳይደረግ) ሥራ እንደማይጀመር በመግለጹ ይኸው በድርጅቱ የቀረበው ጥያቄ በአማካሪ መሐንዲሱና በካቴድራሉ የቴክኒክ ባለሞያዎች የተደገፈ በመሆኑ የፍተሻ ተግባሩ በመንግሥትና ግል ድርጅቶች ተፈፅሞ ውጤቱ እንደሚያሳየው ከመሠረት ጀምሮ ከፕላን ትዕዛዝና ዝርዝር ሥራ ውጪ የኮንክሪት ሥራዎቹ በፕላኑ መሠረት በትክክል ባለመሠራታቸው ምክንያት በአማካሪው ድርጅት በኩል እንደገና የዳሰሳ ጥናት ተደርጎ ከመሠረት (ከፉቲንግ ፓድ) ጀምሮ እስከ ሁለተኛ ፎቅ ድረስ ማጠናከሪያ ሥራ የተሠራ ሲሆን ለዚህም በተጨማሪ ሥራ ምክንያት የካቴድራሉ ሰበካ ጉባዔ ጽ/ቤት ለተጨማሪ ወጪ የተዳረገ ሲሆን በአጠቃላይ ይህንን የተጨማሪ ክፍያ ጨምሮ የሕንጻ ግንባታው ሥራ እስከ አሁን ድረስ ብር 20,000,000 (ሃያ ሚሊዮን ብር) በላይ ወጪ ተደርጓል በማለት ገልጸዋል፡፡
በመጨረሻም ብፁዕ ወቅዱስ አባታችን ባስተላለፉት አባታዊ መመሪያና መልእክት ሕንጻውን ስንመለከተው ከሰማነው በላይ ሆኖ አግኝተነዋል፡፡ በእጅጉም ተደስተናል፡፡ የተደረገውም የማሻሻያ ሥራ ተገቢ ነው የሥራው አስተማማኝነት እየተመለከትን የሚገባውን ሁሉ እየተመካከርን ይፈጸማል፡፡ ለዚህ ሕንጻ ግንባታ እንዲውል ቦታውን በስጦታ ያበረከቱት ግለሰብ እግዚአብሔር አምላክ ነፍሳቸውን በዓለመ መንግሥተ ሰማያት እንዲያሳርፍልን እንጸልያለን፡፡ የሕንጻውንም ሥራ በሙያ የሚከታተሉትን ባለሙያዎች ለሥራው ጥራት የሚያደርጉትን አስተዋጽኦ እያበረታታን የሕንጻው ግንባታው በታቀደበት ጊዜ እንዲያልቅ ሁሉም የበኩልን አስተዋጽኦ እንዲያደርግ ይገባል በማለት አባታዊ መመሪያና መልእክት አስተላልፈዋል፡፡

 
የአዲስ አበባ ሀገረ ስብከት ለገዳማትና አድባራት የዕለት ገንዘብ ስብሳቢና ገንዘብ ያዥ በገንዘብ አያያዝ ላይ ሥልጠና መስጠት ጀመረ

0084

በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት በርእሰ ከተማው በሚገኙ ገዳማትና አድባራት ለተመደቡ ዋና ገንዘብ ያዥና የዕለት ገንዘብ ሰብሳቢዎች በገንዘብ ገቢና ወጭ አያያዝና አመዘገብ ዙሪያ ለ15 ቀናት ያህል የሚቆይ የሙያ ማሻሻያ ሥልጠና እየተሰጣቸው ሲሆን የስልጠናው ሂደትም በቃል/ በቲኦሪና /በተግባር (በኮምፒውተር በታገዘ) እንደዚሁም በቡድን እየተመደቡ የጋራ ውይይት በማድረግና ከዚያም አስፈላጊውን ጥያቄ በመጠየቅና ሐሳብም በመስጠት ስልጠናውን በተሳካ ሁኔታ እየተከታተሉት ይገኛሉ፡፡
የሰልጣኞች ቁጥር ብዛትም 340 ይደርሳሉ፤ ሰልጣኞቹ ከሰባቱም ክፍላተ ከተሞች የተውጣጡ ሲሆን ከአንድ ገዳም ወይም ደብር ሁለት ሰልጣኞች ተመድበዋል፤ በሰባቱ ክፍላተ ከተማ ቤተ ክህነትም የተመደቡ ገንዘብ ያዦች የስልጠናው ተሳታፊዎች ሆነዋል፡፡ ሊቀ ተጉኃን ገብረ መስቀል ድራር የሀገረ ስብከቱ የቁጥጥር ዋና ኃላፊ የስልጠናውን ሂደት አስመልክተው  በሰጡት ማብራሪያ ሰልጣኞቹ ከዘመኑ የሒሳብ አሠራር ጋር በማነፃፀር የሒሳቡን አሠራር እንዴት አድርገው ማሳለፍና መመዝገብ እና ሪፖርት ማድረግ እንዳለባቸው በተመለከተ የቲኦሪና የተግባር ሥልጠና እንዲወስዱ ለማድረግ ሥልጠናው ግንቦት 9 ቀን 2009 ዓ.ም ተጀምሮ በተገቢው ሁኔታ እየተካሄደ ይገኛል፡፡ ሥልጠናውን የሚሰጡት ሙያተኞች ሀገረ ስበከቱ ለዚሁ ለሥልጠና ሥራ ባስቀመጠው የሒሳብ ባለሙያና በተቋም ደረጃ በሚጋበዝ ባለሙያ ነው፡፡ ቀደም ሲል በሁለትና በሦስት ዙር የገዳማቱና የአድባራቱ የሒሳብና የቁጥጥር ሠራተኞች ስልጠና እንዲሰጣቸው ተደርጎ በተገቢና በተሳካ ሁኔታ ስልጠናው ተካሂዷል፡፡ በተሰጠውም ሥልጠና መሠረት ወደ ሥራ የተገባበት ሁኔታ አለ፡፡
ለዚሁም አጋዥ እንዲሆን ለሁሉም ገዳማትና አድባራት የፋይናንስ አሠራርንና አመዘጋገብን በሚመለከት ሥልጠናው ተሰጥቷል፡፡ የኦዲትና ቁጥጥር ማንዋልም ለሁሉም ገዳማትና አድባራት ተሠራጭቷል፡፡
የንብረትና የገንዘብ ሞዴላ ሞዴሎችን ከዘመናዊ የሒሳብ አሠራር ጋር እንዲጣጣሙ ተደርጎ በአዲስ መልክ አንጋፋ በሆነው የቤተ ክርስቲያናችን ማተሚያ ቤት ትንሣኤ ዘጉባኤ አሳትመን ለሁሉም ገዳማትና አድባራት እያሰራጨን እንገኛለን፡፡ ይህም በ2009 ዓ.ም የበጀት ዓመት በከፊል ወደትግበራ እየገባን ነው ያለነው፡፡
እንደ ሀገረ ስብከታችን እቅድና ፕሮግራም ከ2010 ዓ.ም የበጀት ዓመት ጀምሮ በሁሉም ገዳማትና አድባራት ዘመናዊ የሒሳብ አሠራር ይገባል ብለን እቅድ ይዘናል፡፡
ሥልጠናውም በተከታታይና በተፋጠነ መልኩ የሚሰጠው የሒሳብ፣ የቁጥጥርና የገንዘብ ያዥ  ሠራተኞች ለእቅዱ ተፈጻሚነት ቀዳሚ ስለሆኑ ነው፡፡ ቤተ ክርስቲያናችን የሁሉም አስተማሪና መካሪ፣ በዘመናዊ አሠራርም ቀዳማዊት እንደመሆንዋ መጠን አሁንም እንደ ጥንታዊነቷና እንደ ታሪካዊነቷ ታሪኳ ተጠብቆ ሥራዎችን ለመሥራት፣ የለውጥ አገልጋዩም ሆነ ተገልጋዩም ባንድነት በመሰለፍ  ለውጡን ባጭር ጊዜ ለማየት  እንድንችል ሁሉም የእኔ ነው፣ ይመለከተኛል በማለት ሥራው በዘመናዊ እና በሠለጠነ መልኩ እንዲከናወን ማድረግ ይገባል፡፡
አቶ ገብረ ሕይወት አስገዶም የሀገረ ስብከቱ የሒሳብና በጀት ዋና ክፍል ኃላፊ በበኩላቸው በሰጡት ማብራሪያ በዋናነት የሥልጠናው ተጠቃሚ መሆን የሚገባቸው የእለት ገንዘብ ሰብሳቢዎችና ገንዘብ ያዦች ናቸው፡፡  ምክንያቱም በመጀመሪያ ከምዕመናን ጋር ግንኙነት ያላቸው እና ንብረትም ሆነ ገንዘብ የሚሰበስቡ እነርሱ ናቸው፡፡
ይሁን እንጂ ቀደም ብሎ በሀገረ ስብከቱ በተያዘው መርሐ ግብር መሠረት የገዳማቱ የሒሳብ እና የቁጥጥር ሠራተኞች ስለሰለጠኑ በዚያው ለመቀጠል ታስቦ እንጂ በመጀመሪያ መሰልጠን የሚገባቸው የእለት ገንዘብ ሰብሳቢዎችና ገንዘብ ያዦች ነበሩ፡፡
ስለዚህ የእለት ገንዘብ ሰብሳቢዎችና ገንዘብ ያዦች ሥልጠና መውሰዳቸው ተገቢ በመሆኑ ነው አሁን መርሐግብሩ እየተካሄደ ያለው፡፡ ከዚህ በፊት በነበረው የገንዘብ አሰባሰብና አያያዝ ሁኔታ ችግሮች አልተከሠቱም፡፡ ነገር ግን ዓለምን የዋጀውን የሒሳብ አሠራር ግልፅነት እና ተጠያቂነት እንዲኖረው ሒሳቡን ለማዘመን ካልሆነ በስተቀር ቀደም ሲል የነበረው የሒሳብ አሠራርና የገንዘብ አሰባሰብ አባቶቻችን ያቆዩልን አሠራር ከዘመኑ ጋር የሚሄድ ባለመሆኑ እንጂ የሥራ ችግር ኖሮበት አይደለም ወደዚህ አሠራር የመጣነው፡፡ በ2008 ዓ.ም የበጀት ዓመት ሥልጠና ተካሂዷል፡፡ 2009 ዓ.ም የበጀት ዓመትም ከሠላሳ በላይ የገዳማትና አድባራት የሒሳብ ሠራተኞች ወደዘመናዊው ሥራ ገብተው እየሠሩ ይገኛሉ፡፡
ኦዲቱም የሚካሄደው በዘመናዊው የሒሳብ አሠራር መሠረት ነው፡፡ ከዚህ ቀደም በተሰጠው ስልጠና መቶ በመቶ ለውጡ መጥቷል ባይባልም በተወሰነ ሂደት ለውጡ መጥቷል ብለን እናስባለን፡፡ ምንክንያቱም ለውጡ ሲመጣ ቀናትንና ወራትን እያስቆጠረ የሚመጣ ስለሆነ ለውጡ 50% ታይቷል (ደርሰናል)፡፡ ሥለጠናው ለወደፊቱም ተጠናክሮ ይቀጥላል፡፡ ከዚህ በፊት የሰለጠኑትም ቢሆን የበለጠ ግንዛቤያቸውን ለማስፋት እንዲችሉ ስልጠናው ቀጣይነት እንዲነኖረው ነው እቅድ የተያዘው፡፡ በሒሳብ ክፍል፣ በዕለት ገንዘብ ሰብሳቢ፣ በገንዘብ ያዥና በንብረት ክፍል ያለው አሠራር አጠቃላይ ግልፅነት እንዲኖረው ሥልጠናው በ2010 የበጀት ዓመትም ይቀጥላል፡፡ ቤተ ክርስቲያናችን ጥንታዊትና ቀዳማዊት እንደመሆንዋ መጠን አስተማሪ የነበረች ቤተ ክርስቲያን ናት፡፡
ስለዚህ በአስተማሪነት ሥራዋ እንድትቀጥል ያለውን የዘመናዊውን አሠራር በበለጠ አጠናክራ እንድትቀጥል ለማድረግ ሁሉም ወደዚህ መስመር እንዲገባ ነው የሚአስፈልገው፡፡ለዚህ ለውጥ ሁሉም ያገባኛል፣ ይመለከተኛል ብሎ ለለውጡ እንቅስቃሴ ተባባሪ ሊሆን ይገባዋል ብለዋል፡፡
በተያያዘ ዜና በ2009 የበጀት ዓመት ለኦዲቲንግ ሥራ የሚሠማሩ የሀገረ ስብከቱና ለክፍለ  ከተማ ሠራተኞች ከግንቦት 14/2009 እስከ ግንቦት 23/2990 ዓም ድረስ የሚቆይ የኦዲቲንግ ሥልጠና በመሠጠት ላይ ነው፡፡

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 8 ከ 107

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ