መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc-churches.org/site/components/com_gk2_photoslide/images/thumbm/590538kidste_mariam.jpg http://www.addisababa.eotc-churches.org/site/components/com_gk2_photoslide/images/thumbm/895720giorgis.jpg http://www.addisababa.eotc-churches.org/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc-churches.org/site/components/com_gk2_photoslide/images/thumbm/683566trinity.jpg http://www.addisababa.eotc-churches.org/site/components/com_gk2_photoslide/images/thumbm/821897entoto_mariam.jpg http://www.addisababa.eotc-churches.org/site/components/com_gk2_photoslide/images/thumbm/310283meskaye_1.jpg http://www.addisababa.eotc-churches.org/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc-churches.org/site/components/com_gk2_photoslide/images/thumbm/578084urael.jpg http://www.addisababa.eotc-churches.org/site/components/com_gk2_photoslide/images/thumbm/812647gebrie_gedam.jpg http://www.addisababa.eotc-churches.org/site/components/com_gk2_photoslide/images/thumbm/681179raguel.jpg
የአዲስ አበባ ሀገረ ስብከት ለ2ኛ ጊዜ ለገዳማትና አድባራት የቁጥጥር ሠራተኞች የኦዲት ሥልጠና መስጠት ጀመረ

kuttr

በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት በርዕሰ ከተማው ለሚገኙ 130 የገዳማትና አድባራት የቁጥጥር ሠራተኞች ከመጋቢት 18 ቀን 2009 ዓ.ም ጀምሮ ለአስር ተከታታይ ቀናት የሚቆይ የሒሳብ አያያዝና የኦዲት ስልጠና ለ2ኛ ጊዜ  መሰጠት ተጀምሯል ፡፡በዚሁ ሥልጠና ዕውቀትንና ግንዛቤን ለማዳበር ይረዳ ዘንድ ሰልጣኞቹ በሚሰጠው ሥልጠና ዙሪያ የተለያዩ ጥያቄዎችን በመጠየቅ ከአሠልጣኞቹ አጥጋቢ ምላሽ እያገኙ መሆናቸው ታውቋል፤ ሥልጠናው የሚሰጡት መምህራን በሀገረ ስብከቱ የሚገኙ ባለሙያዎች እና ከሌሎች ተቋማት በተጋበዙ ሞያተኞች ጭምር ነው፡፡
ሠልጣኞቹ ሥልጠናውን የሚወስዱት በቲዎሪ እና በተግባር ላይ በተደገፈ አሠራር ሲሆን  ሠልጣኞቹ ከብዛታቸው የተነሣ በሦስት ቡድን ተከፋፍለው ሁለቱ ቡድን  አራት ኪሎ በሚገኘው በሲፒዮ ኮሌጅ በኮምፒውተር በተግባር ስልጠናውን ሲወስዱ አንደኛው ቡድን ደግሞ ሀገረ ስብከቱ ባዘጋጀው የሥልጠና ማዕከል በተግባር በተደገፈ በኮምፒውተር እየሰለጠኑ መሆናቸው ታውቋል፡፡
የሥልጠናው  ዋና ፍሬ ሐሳብ መሠረታዊ የሒሳብ አያያዝ፣ የንብረት አመዘጋገብና የኦዲት ምርመራ ላይ ያተኮረ ነው፡፡ ሀገረ ስብከቱ ለገዳማትና አድባራት የቁጥጥር ሠራተኞች የሙያ ማሻሻያ ስልጠና መስጠት የጀመረው በአለፈው 2008 ዓ.ም ሲሆን በአንደኛው ዙር ከሀገረ ስብከቱ የሒሳብና የቁጥጥር ሠራተኞች፣ ከ7ቱ ክፍላተ ከተማ ለተወጣጡ የሒሳብና የቁጥጥር ሠራተኞች ጋር ከ60 ያላነሱ የገዳማትና የአድባራት የቁጥጥር ሠራተኞች ሠልጥነዋል፤ ሀገረ ስብከቱ ይህን መሠረታዊ የሙያ ማሻሻያ ሥልጠና መስጠት ያስፈለገበት ዐቢይ ምክንያት በገዳማትና አድባራቱ ቀደም ሲል የነበረው የሒሳብ አያያዝ እና የቁጥጥር አሠራር ሥርዓት የነጠላ ሒሳብ (single entry) አያያዝ ሲሆን ይህም አሠራር የቤተ ክርስቲያንን ገንዘብ ለብክነት የሚያጋልጥ ሆኖ በመገኘቱ ነው፤ ይህም በመሆኑ አሁን እየተሰጠ ባለው ሥልጠና የመንትያ ሒሳብ አያያዝ፣ (double entry) የቁጥጥር እና የኦዲት አሠራር የቤተ ክርስቲያንን ሀብትና ንብረት በአንድ ላይ መዝግቦ የሚይዝ እና ለቁጥጥርም አመቺ በመሆኑ ነው፡፡
ይህ ዘመናዊ የሁለትዮሽ (double entry) የሒሳብ አያያዝ እና የኦዲት ምርመራ ሥልጠና ሙሉ በሙሉ ከተጠናቀቀ በኋላ የገዳማቱና አድባራቱ የሒሳብ አያያዝ በሀገሪቱ ውስጥ ከሚገኙት የግልና የመንግሥት ተቋማት ጋር ተፎካካሪ እና ተወዳዳሪ ሆኖ ለመሥራትየሚስችል ሲሆን የገዳማቱና አድባራቱ ሀብትና ንብረት በአግባቡ ተጠብቆ ለታለመለት ዓላማ ሊውል እንደሚችል ሥልጠናውን ከሚሠጡት ባለሙያዎች ለመረዳት ተችሏል፡፡
በሀገረ ስብከቱ እቅድ መሠረት ሁሉም ገዳማትና አድባራት ከሐምሌ 1/2009 ዓ.ም.ጀምሮ ይህ ዘመናዊ የሒሳብ አያያዝ (Double entry) እና የኦዲት ምርመራ ሥራ ተጠናክሮ ሥራ ላይ እንደሚውል ታውቋል፤ ሠልጣኞቹ በጋራ የተማሩዋቸው የሒሳብ አያያዝ እና የኦዲት ምርመራ ትምህርቶች ካጠናቀቁ በኋላ በሀገረ ስብከቱ በተዘጋጀው የሥልጠና ማዕከል በማንኛውም ጊዜ እየተመላለሱ ግንዛቤያቸውን እንደሚያሠፉ እና የተሻለ የአሠራር ልምድ እንደሚወስዱ ከሀገረ ስብከቱ የቁጥጥር አገልግሎት ዋና ክፍል ተጠቁሟል፡፡
ስለዚህ በሁሉም አቅጣጫ ያለው የአሠራር ችግር ሊፈታ የሚችለውና የቤተ ክርስቲያናችን ሀብትና ንብረት በአግባቡ ተጠብቆ ለታለመለት ዓላማ ሊውል የሚችለው የሠራተኛው አእምሮ በሥልጠና ሲዳብር ስለሆነ ሀገረ ስብከቱ በያዘው እቅድ መሠረት  ሥልጠናው ተጠናክሮ ሊቀጥል ይገባዋል እንላለን፡፡

 
የጠቅላይ ቤተ ክህነት የመምሪያ ኃላፊዎች እና ሠራተኞች የ3 ቀናት ሥልጠና በአቋም መግለጫ ተጠናቀቀ!!

0107

በኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያርክ ጠቅላይ ቤተ ክህነት ለሚገኙ የመምሪያ ኃላፊዎች፣ የምክትል መምሪያ ኃላፊዎችና አጠቃላይ ሠራተኞች ሒሳብና ሥራ አመራር፣ ክርስቲያናዊ ሥነ ምግባር፣ ሥራና መንፈሳዊ ሕይወት፣ ሥራ ፈጠራ፣ ሒሳብና ንብረት ላይ የተመሠረተ የሦስት ቀናት ስልጠና ተሰጥቷቸዋል፡፡
የስልጠናው ተሳታፊ የሆኑት የመመሪያ ኃላፊዎችና ሠራተኞች ብዛት 336 እንደሚደርስ ተረጋግጧል፡፡ የስልጠናው ዝግጅት አቅራቢዎች ታዋቂ ምሁራንና የረጅም ጊዜ የማስተማር ልምድ ያላቸው መሆናቸው ተነግሯል፤ በስልጠናው ማጠናቀቂያ ወቅት ከሰልጣኞቹ የሚከተለው ባለ 12 ነጥብ አቋም መግለጫ ቀርቧል፡፡
የአቋም መግለጫ
ሥልጠናውን የወሰድነው እኛ የጠቅላይ ቤተ ክህነት የመምሪያ ኃላፊዎች ም/ኃላፊዎችና ልዩ ልዩ ሠራተኞች ከመጋቢት 19-21 ቀን 2009 ዓ.ም ድረስ በተሰጠን የአቅም ግንባታ ስልጠና ሰፊ እውቀትና ግንዛቤ የገበየን በመሆኑ ለወደፊት ሥራችን የተሳካ ይሆን ዘንድ እግዚአብሔርን አጋዥ አድርገን የሚከተለውን የአቋም መግለጫ አውጥተናል፡፡
1.የክርስቲያናዊ ሥነ ምግበር መገኛዋ ቤተ ክርስቲያን ስለሆነች እኛ የቤተ ክርስቲያኗ አገልጋዮች ለመልካም ሥነ ምግባር ቀዳሚ ሆነን ለመገኘት ቃል እንገባለን፡፡
2.የቤተ ክርስቲያኗን ጥንታዊነትን፣ ታሪካዊነትን፣ በተለይም ለሀገር ያበረከተችውን ከፍተኛ አስተዋጽኦ አስጠብቆ ለትውልድ ማስተላለፍ የሚቻለው ክርስቲያናዊ ሥነ ምግባር ያለውን ትውልድ በማፍራት ስለሆነ ይሄንኑ ተግባራዊ ለማድረግ ሁላችንም በተሰማራንበት የሥራ መስክ ለመተግበር ቃል እንገባለን፡፡
3.በየትኛውም መስክ የተገኘ እውቀት በሥነ ምግባር ካልተነፀ ውጤታማ ስለማያደርግ እኛ የስልጠናው ተሳታፊዎች የቤት ክርስቲያናችንን ክብርና ሉአላዊነት ለማስጠበቅ በተቋማችን ክርስቲያናዊ ሥነ ምግባር ተጠብቆ እንዲሠራ ብርቱ ጥረት እናደርጋለን፡፡
4.ሥራና መንፈሳዊ ሕይወት የማይነጣጠሉ መሆኑን በመረዳት መንፈሳዊ ሕይወትን በሥራ፣ ሥራን በመንፈሳዊ ሕይወት በመተርጎም አጣጥሞ የቤተ ክርስቲያናችንን መንፈሳዊ አገልግሎት (የእግዚአብሔርን መንግሥት) ለማስፋፋት የበኩላችንን ለመወጣት ቃል እንገባለን፡፡
5.እኛ በዋናው መ/ቤት የምንገኝ አጠቃላይ ሠራተኞች የሥራን ክቡርነት በመረዳት በየደረጃው ላሉ የበታች መሥሪያ ቤት ሠራተኞች አርአያ በመሆን የሥራን ክቡርነት ተግብሮ ለደማስተግበር ቃል እንገባለን፡፡
6.ዓለም የሚለወጠው በማንበብና በእውቀት በመሆኑ ሥራን ፈጥሮ ለመሥራትና መንፈሳዊ ሕይወትን ለማሳደግ ማንበብ ትልቁ ቁልፍ ተግባር መሆኑን በመረዳት ባለን ትርፍ ጊዜ የቤተ ክርስቲያናችንን ሁለንተናዊ እድገት ለማፋጠን የማንበብ ልምዳችንን ለማሳደግ ቃል እንገባለን፡፡
7.የቤተ ክርስቲያናችንን ሁለንተናዊ አገልግሎት የተሟላ አድርጎ ለማስቀጠል በሚደረገው ጥረት ለሥራ ተነሳሽና መፍትሔ አምጪ በመሆን በተሰማራንበት የሥራ ዘርፍ ሁሉ ውጤታማ ለመሆን ከብፁዕ ጠቅላይ ዋና ሥራ አስኪያጃችንና በየደረጃው ካሉ የሥራ  ኃላፊዎቻችን ጋር ተባብሮ ለመሥራት ቃል እንገባለን፡፡
8.ብፁዕ ጠቅላይ ዋና ሥራ አስኪያጅ ወደዚህ ታላቅ ኃላፊነት በመጡበት ጊዜ ከወርሃ ግንቦት 2008 ዓ.ም ጀምሮ የቤተክርስቲያኗን መብትና ጥቅም ለማስከበር እያደረጉ ያለውን ቆራጥ አመራርና ክትትል እያደነቅን ለወዲቱም ለተያዘው እቅድና ተግባራዊነት እኛ የጠቅላይ ቤተ ክህነት የመምሪያ ኃላፊዎች፣ ም/ኃላፊዎችና አጠቃላይ ሠራተኞች ከጎናቸው እንቆማለን፡፡
9.በዋናው መ/ቤታችን የተሰጠን ይህ የአቅም ግንባታ ስልጠና በቂ እውቀትና ግንዛቤን  የሰጠን ስለሆነ እንደዚህ አይነቱ የስልጠና መርሐ ግብር በየጊዜው ቢሰጠን የበለጠ ውጤታማ እንደሚያደርገን እናረጋግጣለን፡፡
10.እኛ በአመራር ወይም በኋላፊነት ደረጃ ያለን የሥራ ኃላፊዎች ለቤተ ክርስቲያኗ እድገት ተመሪዎችን ብቻ ሳይሆን መሪዎችንም ጭምር ለማፍራት በርትተንና ተግተን የተጣለብንን የሥራ ኃላፊነት ለመወጣት ቃል እንገባለን፡፡
11.በተሰጠን የንበረት አመዘጋገብና አጠባበቅ ስልጠና ባገኘው ሰፊ ግንዛቤ ያለንን ልምድና ተሞክሮ በማጠናከር ማንኛውንም የቤተ ክርስቲያኗን ንብረት ከብክነትና ከጥፋት በመታደግ በተገቢው ሥርዓትና ክብር በመጠበቅ እየተገለገልን ወደ ትውልዱ እንዲተላለፍ የበኩላችንን ጥረት እናደርጋለን፡፡
በመጨረሻም በብፁዕ ጠቅላይ ዋና ሥራ አስኪያጃችን ጥረትና አመራር ሰጪነት የተጀመሩት አጠቃላይ የቤተ ክርስቲያኗ የልማት ሥራዎች ቤተ ክርስቲያኗን ላቅ ወደ አለ ደረጃ የሚያሸጋግራትና ከድህነት የሚያወጣት ተግባር በመሆኑ ለልማት ሥራው ስኬት ሁላችንም በተሰማራንበት ሥራ ተግተን ለመሥራት ቃል እንገባለን፡፡
12.ከብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኲሱም ወእጨጌ ዘመንበረ ተክለሃይማኖት የሚሰጠንን አባታዊ የሥራ መመሪያ ለመፈጸምና ለማስፈፀም ቃል እንገባለን፡፡
በመጨረሻም ብፁዕ ወቅዱስ ፓትርያርኩ በሰጡት አባታዊ ትምህርት የሰው ልጅ በአሁኑ ጊዜ በስልጠና አእምሮውን እያሰፋ በሚገኝበት ጊዜ የቤተ ክህነት ሠራተኞችም ስልጠና እንዲሰጣቸው በማሰብ የጠቅላይ ቤተ ክህነት ዋና ሥራ አስኪያጅ ብፁዕ አቡነ ዲዮስቆሮስ ሐሳቡን አመንጭተው ይህን ስልጠና በማዘጋጀታቸው በጣም እናመሰገናቸዋለን፤ አሠልጣኞቹንና ሠልጣኞችንም እናመሰግናቸዋለን፤ እግዚአብሔር ይባርካቸው!!
ቤተ ክርስቲያናችን ከሁሉ በፊት አስተማሪ፣ መካሪ፣ አሰልጣኝ ሆና ከመሠረቱ ጀምሮ  ብዙ ሥራ የሠራች ታሪካዊት ቤተ ክርስቲያን ናት፤ የኢትዮጵያ ሕዝብ ዩኒቨርስቲ ሆና የቆየችው ቤተ ክርስቲያን ናት፣ በመጀመሪያ ፊደል ቀርጻ መጻሕፍትን በእጅ ጽፋ ስታሰለጥን የቆየች ቤተ ክርስቲያን ናት፤ ይህ አሠራር ለረጅም ጊዜ ሳይቀጥል በመቅረቱ ነው ብዙ ነገር የተበላሸው፤ ስልጠና እጅግ አስፈላጊ ነው፤ አእምሮን ማስፋፋት፣ የሥራ ተነሳሽነትን ማበልጸግ አስፈላጊ ነው፤ ቤተ ክርስቲያናችን ሀብታምና ባለ ፀጋ ናት እንጂ ድሀ አይደለችም፤ ከሥራ ተነሣሽነት አለመኖር ይልቅ በሌላ ነገር መዋጥ ብዙ ችግር ፈጥሯል፡፡
የቤተ ክርስቲያን ትልቁ ሀብቷ ምዕመናን ናቸው፤  ምዕመናኖቻችንም በርካታ ናቸው፤ በርካታ የሆኑትን ምዕመናንን በስብከተ ወንጌል ባለማጠናከራችን የተነሣ ምዕመናን በልዩ ልዩ መንገድ እየተወሰዱ ናቸው፡፡
ሁለተኛው የቤተ ክርስቲያን ሀብት ይዞታዋ ነው፤ ይዞታዋም ሰፊ ነው፤ ይህ ሁሉ ንብረት እያለ ግን በአግባቡ የሚሠራ አልተገኘም፤ እየተዘዋወርን ይዞታችንን በጎበኘንበት ወቅት ሰፋፊ ይዞታ ያለን መሆኑን ተረድቻለሁ፡፡
ስለዚህ ሁሉም ችግር የሚፈታው የሰው አእምሮ በስልጠና ሲለወጥ ስለሆነ በየጊዜው ይህ  ስልጠና ተጠናክሮ ሊቀጥል ይገባዋል በማለት ቅዱስነታቸው ሰፋ ያለ አባታዊ ትምህርት ሰጥተዋል፡፡ 

 
መምህር ጎይቶኦም ያይኑ በወቅታዊ ጉዳዮች ዙሪያ ጋዜጣዊ መግለጫ ሰጡ!!

2g23

መምህር ጎይቶኦም ያይኑ የካቲት 13 ቀን 2009 ዓ.ም ለኢትዮጵያ ኦርቶዶክስ ተዋሕዶ ቤተ ክርስቲያን መገናኛ ብዙሃን የቴሌቪዥን ፕሮግራም በሰጡት ጋዜጣዊ መግለጫ የአዲስ አበባ ሀገረ ስብከትን እና የክፍላተ ከተማ ቤተ ክህነትን በተመለከተ የተለየ አደረጃጀት የለውም፤ የምንሠራው ቤተ ክርስቲያን ባስቀመጠችው አሠራር ነው፤ በቃለ ዓዋዲው መሠረት ሀገረ ስብከቱ የተለያዩ ክፍሎች አሉት፤ የሁሉም ክፍሎች በተሣካ አደረጃጅ ተደራጅተዋል፡፡
በየክፍሉ ንዑሳን ክፍሎች አሉ፤ አዲስ አበባ ከተማ በክፍላተ ከተማ አወቃቀር አስር ክፍላተ ከተማ ነው ያለው፤ በአዲስ አበባ ሀገረ ስብከት ጽ/ቤት ሥር ግን የተዋቀሩት የክፍላተ ከተማ ቤተ ክህነት ጽ/ቤቶች ሰባት ክፍላተ ከተማ  ናቸው፤ የአንዱ ክፍለ ከተማ መዋቅር ሦስት ክፍለ ከተሞች ጠቅልሎ የያዘ ነው፤
 ለምሳሌ አዲስ ክፍለ ከተማ፣ ቂርቆስ ክፍለ ከተማና ልደታ ክፍለ ከተማ በአዲስ አበባ ሀገረ ስብከት ሥር እንደ አንድ ክፍለ ከተማ ይቆጠራል፤  በዚህ መሠረት በሀገረ ስብከቱ ሥር ሰባት ክፍላተ ከተማ ቤተ ክህነት አሉን ማለት ነው፡፡
በሌላው ሀገረ ስብከት እንደሚታወቀው ከሀገረ ስብከቱ ቀጥሎ ያለው ወረዳ ቤተ ክህነት ነው፡፡ በአዲስ አበባ ደረጃ ግን ወረዳ ቤተ ክህነት የሚል ክፍል የለም፡፡ የሀገረ ስብከት ጽ/ቤት ተብሎ የክፍለ ከተማ ጽ/ቤት ነው የሚባለው፡፡ በአዲስ አበባ ሀገረ ስብከት ሥር ያሉት ገዳማትና አድባራት ብዛት እስከ 2008 ዓ.ም የበጀት ዓመት ድረስ 180 ነበር፤ በዚህ ዓመት የገዳማትና አድባራት ብዛት በጠቅላላ 198 ደርሷል፡፡
በዚህ በዓቢይ ጾም ውስጥ የሚካሄደውን መንፈሳዊ አገልግሎት በተመለከተ እንደማንኛውም ጊዜ ተመሳሳይ ቢሆንም እንኳን በክርስቶስ የተመሠረተችው ቤተ ክርስቲያን ክርስቶስን እንደምትሰብክ የታወቀ ሲሆን በቀኖናዋ መሠረት እያገለገለች ትገኛለች፡፡
የሀገረ ስብከቱ ሥራ በተሻለ መጠን ለምዕመናን ብቁ አገልግሎት በማጠናከር ከሌላው ጊዜ በጾሙ ወራት ምዕመናን ወደ ቤተ እግዚአብሔር እንዲቀርቡ፣ ከእግዚአብሔር ጋር እንዲገናኙ አምልኮታቸውን በአግባቡ እንዲፈጽሙ፣ በተለይ በስብከተ ወንጌል ደረጃ ለየት ያለ በገዳማቱና በአድባራቱ የአንድነት መርሐ ግብር አለ፡፡
ስለዚህ አንድነት ጉባኤው ተጠናክሮ በሚቀጥልበት ሁኔታ ሰፊ የሆነ እንቅስቃሴና የተጠናከረ ክትትል እያደረግን ነው ያለ ነው፡፡ በሀገረ ስብከት ደረጃ ብቻ ሳይሆን እስከ ክፍለ ከተማ ድረስ ከምን ጊዜም በበለጠ ክትትልና ቁጥጥር ያለው የተሻለ አገልግሎት እንዲኖር፣ በጸሎተ ምሕላም፣ በስብከተ ወንጌልም፣ በሥርዓቱና በቀኖናው መሠረት እንዲካሄድ እየተደረገ ነው፡፡ አዳዲስ በተተከሉ አብያተ ክርስቲያናትም ጭምር ሥርዓተ አምልኮው ወይም የሱባኤው መርሐ ግብር በተጠናከረ መልኩ እየሄደ ያለበት ሁኔታ ነው ያለው፤ በሁሉም ገዳማትና አድባራት የስብከተ ወንጌል መምህራን ተመድበዋል፡፡
እንደሚታወቀው በአዲስ አበባ ቆሼ እየተባለ በሚጠራው አካባቢ በደረሰው አደጋ በቋሚ ሲኖዶስ ውሳኔ መሠረት በወገኖቻችን ላይ በደረሰው አደጋ ምክንያት የተለየ መርሐ ግብር ተዘጋጅቶ ለሰባት ቀናት ያህል ጸሎተ ምሕላና ጸሎተ ፍትሓት እንዲደረግ በተላለፈው መመሪያ መሠረት በገዳማቱና በአድባራቱ ሥርዓቱ እንዲደርስ ተደርጓል፤ በአደጋው የሞቱትን ወገኖቻችንን እግዚአብሔር አምላክ ነፍሳቸውን በገነት እንዲአኖርልን እና እረፍተ ነፍስ እዲሰጥልን በሁሉም ገዳማትና አድባራት ምህላው በአግባቡ እየተካሄደ መሆኑን ለማወቅ ችለናል፡፡
በአደጋው ወደ ተጎዱት ወገኖቻችን በአካል በመሄድ ለማጽናናት ችለናል፤ አሁንም ቢሆን ገዳማቱና አድባራቱ አስተዋፅኦ እንዲአደርጉ ሰፊ የሆነ እንቅስቃሴ እየተደረገ ነው የሚገኘው፤  እንደ አዲስ አበባ ሀገረ ስብከት ጽ/ቤት ለተጎዱት ወገኖች በአዲስ አበባ መስተዳደር በተቋቋመው ኮሚቴ በኩል አንድ መቶ ሺህ ብር የገንዘብ ድጋፍ አድርጓል፤ ይህ አሠራር በሁሉም አጥቢያዎች ይቀጥላል፤ እንኳንስ ወገኖቻችንን ቀርቶ ማንኛውንም ሰብአዊ ፍጡር መርዳት አለብን፡፡
የተለያዩ ኮሚቴዎችም ተዋቅረዋል፤ በዚሁ መሠረት በየጊዜው ክትትል እያደረግን የተሻለ ሥራ ለመሥራት እንቅስቃሴ ላይ እንገኛለን፤ ወቅቱ የሱባኤና የጾም ጊዜ በመሆኑ ገዳማትና አድባራት በሥራቸው ያሉ አገልጋዮች፣ እንደዚሁም በየአጥቢያው ያሉ ምዕመናን ሱባኤውን ምክንያት በማድረግ በተለየ መልኩ ወደ እግዚአብሔር መቅረብ ስለሚገባቸው የስብከተ ወንጌል መርሐ ግብር ተጠናክሮ እንዲቀጥል ሁላችንም ጥረት ማድረግ አለብን፤ በጾም ጊዜ ሲባልም ክርስቲያን ከእግዚአብሔር ተለይቶ ይኖራል ማለት አይደለም፡፡
ነገር ግን ሱባኤ ሲሆን በተለየ መልኩ ከሌላው ጊዜ የተሻለ ጊዜና የተሻለ ሁኔታ በመፍጠር ወደ እግዚአብሔር መቅረብ አለብን ለማለት ነው፡፡
ስለዚህ ምዕመናን በተረጋጋና በሰላም ሥርዓተ አምልኮታቸውን እንዲፈጽሙ ስብከተ ወንጌል በተጠናከረ መልኩ እንዲቀጥል ቁጥጥርና ትጋት ያስፈልጋል፡፡ በልማቱም ዘርፍ ቢሆን የተሻለ ልማት እንዲኖር የሁላችንም ጥረት ያስፈልጋል፡፡ በተለይ ምዕመናን የሚሰጡትን ገንዘብ በአግባቡ በመሰብሰብ ቤተ ክርስቲያን በአግባቡ እንድትለማ፣ ወቅቱ የሚጠብቀውን ሥራ ለመሥራት እስከ አሁን ድረስ አባቶቻችን ይህችን ቤተ ክርስቲያን በአግባቡ ጠብቀው አቆይተውልናል፤ እኛም ደግሞ እግዚአብሔር ፈቅዶ እዚህ ጊዜ ደርሰናል፡፡
ስለዚህ ለቤተ ክርስቲያን የሚሆን ወቅቱ የሚጠይቀው ሥራ ለመሥራት የተሰጠንን ኃላፊነት በአግባቡ መወጣት አለብን፡፡
መምህር ጎይቶኦም ያይኑ  የአዲስ አበባ ሀገረ ስብከት ዋና ሥራ አስኪያጅ
 

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 10 ከ 107

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ