መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc-churches.org/site/components/com_gk2_photoslide/images/thumbm/590538kidste_mariam.jpg http://www.addisababa.eotc-churches.org/site/components/com_gk2_photoslide/images/thumbm/895720giorgis.jpg http://www.addisababa.eotc-churches.org/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc-churches.org/site/components/com_gk2_photoslide/images/thumbm/683566trinity.jpg http://www.addisababa.eotc-churches.org/site/components/com_gk2_photoslide/images/thumbm/821897entoto_mariam.jpg http://www.addisababa.eotc-churches.org/site/components/com_gk2_photoslide/images/thumbm/310283meskaye_1.jpg http://www.addisababa.eotc-churches.org/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc-churches.org/site/components/com_gk2_photoslide/images/thumbm/578084urael.jpg http://www.addisababa.eotc-churches.org/site/components/com_gk2_photoslide/images/thumbm/812647gebrie_gedam.jpg http://www.addisababa.eotc-churches.org/site/components/com_gk2_photoslide/images/thumbm/681179raguel.jpg
የአዲስ አበባ ሀገረ ስብከት የ2009 ዓ.ም በሰባቱ ክፍላተ ከተማ ዓመታዊ የሥራ ግምገማ አካሄደ

a0017

ሀገረ ስብከቱ ከሰባቱ ክፍላተ  ከተማ ቤተ  ክህነት የሥራ ኃላፊዎችና ሠራተኞች ጋር  በ2009 ዓ.ም የበጀት ዓመት የተከናወኑትን የልማትና የፐርሰንት ገቢ አስመልክቶ ሐምሌ 28 ቀን 2009 ዓ.ም ባደረገው አጠቃላይ ዓመታዊ ሪፖርት ላይ የተመሠረተ የምክክርና የመገማገም ሥራ  አከናውኗል፡፡
ሀገረ  ስብከቱ  በዚሁ ወር መግቢያ  በፐርሰንት  አሰባሰብ ዙሪያ  ሰፋ  ያለ  ውይይት  እና  ግምገማ ያካሄደ መሆኑ  ይታወቃል፡፡ በሰባቱም  ክፍላተ ከተማ  በየተራ  ከአድባራትና ገዳማት የሥራ ኃላፊዎችና  ሠራተኞች ጋር   ለሙሉ ቀን የቆየ  የምክክር እና  ግምገማ  ጉባኤ  አካሂዷል፡፡
በሁሉም ክፍላተ ከተማ በተደረገው  ዐቢይ  የምክክር እና የመገማገም  ጉባኤ የተነሱ ሀሳቦችን በተመለከተ  በአሠሪና  ሠራተኛ መካከል የሚፈጠረው  ችግር፣ የስብከተ  ወንጌል እንቅስቃሴ  መዳከም፣ የአብያተ ክርስቲያናት ይዞታ ጉዳይ፣ የፐርሰንት  ክፍያ፣ የህገ ወጥ  ሰባክያን  የአድማ ቅስቀሳ፣ የምዕመናን ቁጥር  መቀነስ እና የመናፍቃን ወረራ ተግባር በዋናነት  የተጠቀሱ ሲሆን እነዚህን ዘርፈ ብዙ  ችግሮች  ለማስወገድ አሠራሮችን ማስተካከል  ይገባናል  ብለዋል፡፡ የጉባኤያቱ  ዋና መሪና አስተባበሪ የሆኑት መምህር  ጎይቶም  ያይኑ በሰጡት  ሐሳብ ሕገ ወጥ  ሰባኪያን  በዐውደ ምህረት ቆሞ ለመስበክ በመጀመሪያ ፈቃድ ሊኖረው  ይገባል፡፡
የቤተ ክርስቲያን አባል ያልሆኑ እና የቤተ ክርስቲያን ተቆርቆሪ  ያልሆኑ ሰዎች  ክትትል ሊደረግባቸው ይገባል፤ በቲፎዞ ምክንያት ጠቃሚ የሆኑ  ሰዎችን  እያጣን  ስለሆነ  ይህንን አሠራር  መፈተሽ  አለብን፤ አደገኛ  የሆነ  አስተሳሰብ  እየመጣ ነው፡፡ ከሕዝብ  ተለይተው  ብቻቸውን  የሚኖሩ  አሉ፤ ብዙ  ተከታይ ካፈሩ በኋላ ከመድረክ ቢወርዱም  በሕዝብ  ልብ  ውስጥ ጠልቀው ገብተዋልና በእንቃሴያቸው ዙሪያ ሊታሰብበት  ይገባል፡፡
ስለምዕመናን ቁጥር መቀነስ በተለያየ መልኩ ይነሳ  እንጂ ምን ያህል ቁጥር እንደቀነሰ በትክክል ማወቅ  ይገባል፡፡ በአሠራር ብልሽት  እና በኢኮኖሚ ጫና ያጣናቸው ሰዎች ሊኖሩ  ይችላሉ፡፡ በአንጻሩ ቤተ ክርስቲያን ሠርተው የሚያስረክቡ ምዕመናንም አሉ፡፡
በአጠቃላይ ስንመለከት  ግን ሥራችንን  በአግባቡ  መሥራት አለብን፡፡ የሚጠበቅብንን የሥራ ድርሻ መወጣት  አለብን፡፡ ሐሳባችን  የጥቅም ጉዳይ አይሁን፡፡ በአግባቡ  ሠርተን  በአግባቡ ልንጠቀም  እንችላለን፡፡ የቤተክርስቲያን ገንዘብ  በአግባቡ  ገብቶ  በአግባቡ መውጣት አለበት፡፡  ስለምንሠራው ሥራ አስቀድሞ  መረጃ  ሊኖረን  ይገባናል፡፡
ለሥራው የሚመጥን ሠራተኛ ከሥራው ጋር ማገናኘት አለብን፡፡ ስለ ውሉ  ስለጨረታው  በቁርጠኝነት መሥራት አለብን፡፡ ሁላችንም  በአንድ ልብ  መሥራት  ካልቻለን  መሪው  ብቻውን የሚያመጣው  ለውጥ የለም፡፡ ሕዝቡና ካህናቱ ችግር  አለ እያሉ እየጮሁ የሚቀርበው ሪፖርት  ግን  ከዚህ  የተለየ ሊሆን አይገባም፡፡
የገዘፈ ችግር ካለ እርምጃ መውሰድ የግድ ነው፡፡ አለቃም ሆነ ጸሐፊ የገዘፈ ችግር  ካለባቸው ወደታች አውርዶ ማሠራት የግድ ነው፡፡ በቀረበው ሪፖርት መሠረት የተቀጣ ሰው በጥፋቴ ነው ብሎ ሊፀፀት ይገባዋል፡፡ ሠራተኛው በአንድ ቦታ ችግር ሲፈጥር ወደሌላው ቦታ  ይዛወራል፡፡ ይህ ግን  መፍትሔ  ሊሆን አይችልም፡፡
ቤተ ክርስቲያን ውስጥ ያለው ችግር ሊፈታ የሚችለው በሰበካ  ጉባኤ ነው፡፡ ሰበካ ጉባኤ  ሊጠናከር ይገባዋል  በወገንተኝነት  የሚሠራ  የሕዝብ  ተወካይ ሊኖር አይገባም፡፡ በምዝገባ ጊዜ ክትትል ሊደረግ ይገባል፡፡ በካርድ ስለተመረጠ ትክክለኛ ኮሚቴ ተመረጠ ማለት አይደለም፡፡ በየዓጥቢያው የተሟላ የሰበካ ጉባኤ አባል መኖር አለበት፡፡
የተመረጡት  የሰበካ ጉባኤ አባላትም መብታቸውንና ግዴታቸውን ማወቅ አለባቸው፡፡ ሀገረ ስብከቱ ለወደፊቱ ከሰበካ ጉባኤ አባላት ጋር የመመካከር እና የውይይት ተግባር  ያካሂዳል  በየክፍላተ ከተሞች  ባደረግነው  የምክክርና  የመገማገም ጉባኤ እንደተረዳነው በሰበካ  ጉባኤው እና በካህናት መካከል  ተግባብቶ መሥራት  አይታይም፡፡ በአብዛኛው  አብያተ ክርስቲያናት ዘንድ  የሰበካ  ጉባኤ አባላት  የአገልገሎት  ዘመናቸውን ሲጨርሱ ተመስግነው አይወርዱም፡፡
ይህም የሚያሳየው ያሳለፉት የሥራ ዘመን ባለመግባባት ስለሚሰራ ነው፡፡  በአንድ አንድ አበያተ ክርስቲያናት ከሰበካ ጉባኤ አባላት ጋር የሚፈጠረው  ችግር  የቤተ ክርስቲያን  ሀብት  ከመጠበቅ አንጻር ነው፡፡ ይህ አይነት የምክክርና የመገማገም ሥራ በየስድስት ወራት ሊቀጥል  ይችላል በማለት መምህር  ጎይቶም ያይኑ መልእክታቸውን  ካስተላለፉ በኋላ ለሙሉ ቀን ያህል ሲካሄድ የዋለው የምክክር እና የመገማገም ጉባኤ ባለ26 ነጥብ የአቋም መግለጫ  እንደሚከተለው ቀርቧል፡፡
                የአቋም መገልጫ
የአዲስ አበባ ሀገረ ስብከት  በ2009 ዓ.ም  የበጀት ዓመት  በየክፍላተ  ከተማ ቤተ ክህነት  በበጀት ዘመን ሲከናወኑ የቆዩትን ተግባራት በየክፍለ ከተማው ሲገመግም ከቆየ በኋላ    የዓመቱን ማጠቃለያ በአዲስ አበባ  ሀገረ  ስብከት  ዋና ሥራ  አስኪያጅ  በመምህር  ጎይቶም  ያይኑ  ሰብሳቢነት በክፍለ ከተማ  ቤተ ክህነት  ሥራ አስኪያጅ  የቢሮ ኃላፊዎችና ሠራተኞች በሙሉ  በየክፍላተ ከተማ ቤተ ክህነት የቀረበውን  ሪፖርት  በማዳመጥ እጅግ  ጥቅልና  አመርቂ ውይይት  ከተደረገ በኀላ  የሚከተለውን የጋራ  የአቋም መግለጫ አውጥተናል፡፡
1.በየክፍላተ ከተማው አድባራትና  ገዳማት ሲደረግ የነበረው ውይይት አመርቂና ውጤታማ  በመሆኑ  ቀጣይነት  እንዲኖረው አስፋላጊውን  ትብብር እናደርጋለን፡፡
2.ከሪፖርቱ በቀረበው መሠረት ጠንካራ ጎን በመውሰድ ለቀጣይ ዓመት  የበለጠ እንዲሠራ አስፋላጊውን እንቅስቃሴ ለማድረግ ቃል እንገባለን፡፡
3.ስብከተ ወንጌልን በተመለከተ ያሉት እንቅስቃሴዎች መልካም ቢሆኑም ወቅቱን የጠበቀና ሀገረ ስብከቱ በሚያስተላልፈው መመሪያ ተመርኩዘን  ካለፈው በተሻለ  እንቅስቃሴ እንዲደረግ  ተግተን  እንሠራለን፡፡
4.ትምህርት ወንጌል ከቤተ ክርስቲያን፣ ከከፍለ ከተማውና ከሀገረ ስብከቱ ዕውቅና  ውጪ የሚንቀሳቀስውን አካል በተመለከተ ክትትል ተደርጎ ትክክለኛ አስተምህሮ እንዲሰፍን  ለማድረግ ቃል እንገባለን፡፡
5.ሰበካ ጉባኤን በሚመለከት ሀገረ ስብከቱ ያስተላለፈው መመሪያ እንዲከናወን መደረጉ አግባብና ውጤት ያለው በመሆኑ በቀጣዩም ተጠናክሮ እንዲቀጥልተግተን እንቀጥልበታለን፡፡
6.ተመራጭ  የሰበካ ጉባኤ አባላት ከተመረጡ  በኋላ  ስልጠና  እየተሰጣቸው ወደ ሥራ  እንዲገቡ  ለማድረግ  ተግተን  እንሠራለን፡፡
7.የልማት ሥራን  በተመለከተ የሚታዩት ጅምሮች፣ በጎ ቢሆኑም ግልጽነት ባለው አሠራርና በጨረታ ሂደቱም  በጥንቃቄ  እንዲከናወን ሕጉን ጠብቆ እንዲሠራ ለማድረግ ቃል እንገባለን፡፡
8.በበዓላት የሚገኙ ገቢዎችንና ንዋየተ ቅድሳት በሚመለከት  ከሀገረ ስብከቱ  በሚወጣው  መመሪያ  መሠረተ  የጨረታ ሂደቱን፣  የሙዳየ ምጽዋት  ቆጠራውን  በሕጉ መሰረት  እንዲከናወን  ለማድረግ  ቃል እንገባለን፡፡
9.ቤተ ክርስቲያን እስከ ዛሬ ድረስ በመጣችበት የታሪክ ጉዞዋ  ሁሉ ምሰሶ በመሆን  ለዛሬ ያበቁዋት  ሊቃውንት አግባባዊ ክብር  እንዲሰጣቸው ለማድረግ ቃል  እንገባለን፡፡
10.ቤተ ክርስቲያን በቱሪስት መስህብ ልታገኝ የሚገባትን ገቢ ከፍ ያለ እንዲሆን ለማድረግ ቃል  እንገባለን፡፡
11.የ2009 ዓ.ም  የበጀት ዘመን የገቢው አሰባሰብ የተሳካ እንዲሆን ከሀገረ ስብከቱ ዋና ሥራ አስኪያጅ  የተሰጠውን ስልትና መመሪያ በመከተል ከወትሮው  በተለየ መልኩ  የተገኘው  ለውጥ  እጅግ ከፍተኛ  በመሆኑ  በሚቀጥለው  የ2010 ዓመተ  ምህረት  የበጀት ዓመት  በተሻለ አሠራር  ለመቀጠል ቃል እንገባለን፡፡
12.ካህናቱ የንሰሀ ልጆቻቸውን በትምህርተ ሃይማኖት  የሚይዙበትን ስልት  በመቀየስ አስፈላጊውን ስልጠና እንዲያገኙ  ለማድረግ ተግተን እንሠራለን፡፡
13.የሰንበት ት/ቤት ወጣቶች በቤተ ክርስቲያን ትምህርት እየተኮተኮቱ እንዲያድጉ  የእዝ ሰንሰሉትን በመጠበቅ ከማኅበራትም ጫና እንዲላቀቁ በማድረግ እና ተጠናከሮ  እንዲቀጥሉ  ለማድረግ ቃል እንገባለን፡፡
14.በሀገረ ስብከቱ ተጀምሮ ሲሠራ የቆየው ስልጠና ቀጣይነት እንዲኖረው የበኩላችንን ጥረት አናደርጋለን፡፡
15.የሚተከሉት አዳዲስ አብያተ ክርስቲያናት ከተሠሩ በኀላ እንዳይፈርሱ አስፋላጊውን ጥንቃቄ በማድረግና ከሚመለከተው አካላት ጋር በመነጋገር ተፈጻሚነት እንዲአገኝ ለማድረግ ቃል እንገባለን፡፡
16.የቤተ ክርስቲያን ይዞታ ካርታ ያላገኙ አድባራትንና ገዳማትን  ካርታ  እንዲያገኙ እና በጥቅምተ ባህር  የማደሪያ ይዞታዎች እንዲከበሩ  ለማድረግ ቃል እንገባለን፡፡
17.በቤተ ክርስቲያን ስም በመደራጃት በፉካና በጉዞ ማኅበራት የተሰማሩ አካላት ቤተ ክርስቲያን ማግኘት  የሚገባትን ገቢ ሳይሰጡ ለግል ጥቅማቸው እያዋሉ ስለሆነ ይህ ድርጊት ለወደፊቱ በቤተክርስቱያኑ ብቻ እንዲሠራ ለማድረግ የበኩላችንን ድርሻ እንወጣለን፡፡
18.በዘንድሮው የበጀት ዘመን  ገቢ በከፍተኛ ደረጃ ዕድገቱ እንዲመዘገብ ያደረገው  የሀገረ  ስብከቱና የየክፍላተ ከተማ ቤተ ክህነት ሠራተኞች ያላሳለሰ  የሥራ  ክትትል በመሆኑ የሠራተኛው ደመወዝና ጥቅማቸውም እንዲስተካከል ጉዳዩ የሚመለከተውን አካል  በአክብሮት  እንጠይቃለን፡፡
19.የክፍላተ ከተማ ቤተ ክሀነተ  አሁን ባለው አካሄድ እየተጠቀሙበት ያለው ቢሮ የሀገረ ስብከቱን ወጪ እያስወጣ በመሆኑ የራሳችንን ቢሮ ለማሠራት የበለጠ ተግተን እንሠራለን፡፡
20.ያለበጀት ከሥራ ማስኬጃና ከደመወዝ ውጪ በልዩ ልዩ ምክንያት  የሚወጣው ወጪ  የቤተ ክርስቲያናችን ኢኮኖሚ  በእጅጉ እየጎዳው በመሆኑ በፀደቀው  በጀት ብቻ እንዲመራ ለማድረግ ቃል እንገባለን፡፡
21.በወርኃዊና ዓመታዊ ክብረ  በዓላት  ላይ  ማንንም ሳያስፈቅዱ  በወንጌል አገልገሎት በቅዳሴ ጊዜ በየመግቢያው ላይ ልዩ ልዩ ሸቀጣሸቀጦችን በማቅርብ ወከባ በሚፈጥሩት ወገኖች ላይ  አስፋላጊውን ቁጥጥር ተደርጎ እንዲወገዱ ለማድረግ የበኩላችንን ጥረት እናደርጋለን፡፡
22.ከቤተ ክርስቲያኗ ወጥተው እየሄዱ ያሉ  ምስጢራትን ከመጠበቅ አኳያ ምዕመናንን  በመጠበቅ ጉዳይ ላይ  ትኩረት ሰጥተን እንሠራለን፡፡
23.የሀገረ ስብከቱ ዋና ሥራ አስኪያጅ  በማጠቃለያ ንግግራቸው በአዲስ አበባ  የተፈጠረው የመደማመጥ፣ የመረጋጋትና ፍትሐዊ አስተዳደር ወደላቀ ደረጃ ለማሸጋገርና ሥር ነቀል  ለውጥ ለማምጣት የበኩላችንን ድርሻ እንወጣለን፡፡
24.ምዕመናን ስለመጽሐፍ ቅዱስ ያላቸው ግንዛቤ ዝቅተኛ ስለሆነ የተሻለ ሥራ  በመሥራት በንሰሀ  አባቶቻቸው አማካኝነት  ትምህርቱ እንዲሰጣቸውና የምዕመናን ቁጥር ምን ያህል እንደደረሰ አስፋላጊውን አቅጣጫ ለመቀየስ ቃል እንገባለን፡፡
25.በበጀት ዓመቱ  የተከናወኑ አበይት  ተግባራት እጅግ በጣም የሚበረታቱ መሆናቸውን በበጀት ዓመቱ ማጠቃለያ በየክፍላተ ከተሞች የተደረገውን ውይይት የዛሬውን አጠቃላይ የሥራ ግመገማና ውይይት እያደነቅን ቀጣይነት እንዲኖራቸው እያሳሰብን ሌት ተቀን ተግተን ለመስራት ቃል እንገባለን፡፡

 
መልካም ባልንጀራ

ምስጢር የሚወያዩትን አብሮ የሚሠሩትንና ጧት ማታ የሚገናኙትን እንዲሁም አብሮ አደግ የሆነውን ሰው ባልንጀራዬ ነው ብሎ መናገር የተለመደ ነው፡፡ ዛሬ ለኔ ነገ ላንተ እየተባባሉ አብረው ከሚውሉት፣ ከሚያመሹት ጓደኞቻቸው ሌላ ባልንጀራ ያለ የማይመስላቸውም ብዙዎች ናቸው፡፡ በመሠረቱ አብሮ መብላትና መጠጣት ወይም በአንድ ላይ ተምሮ ማደግና አብሮ መኖር ይልቁንም ትንሽ ትልቁን ክፉና ደጉን ምስጢር መካፈል ባልንጀራ ሊያሰኝ ቢችልም ይህ ብቻ ራሱ የፍቅር መመዘኛና መለኪያ ይሆናል ማለት ዘበት ነው፡፡ ምክንያቱም በዚህ ሁኔታ የተመሠረተው ፍቅር አብዛኛውን ጊዜ በጥቅም ላይ የተመሠረተ ስለሚሆን ሰብአዊ ርኅራኄና ከልብ የመነጨ መንፈሳዊ ስሜት የተዋሐደው ሊሆን አይችልምና ነው፡፡
አንዳንድ ሰዎች ‹‹ባልንጀራህን እንደራስህ ውደድ፡ በባልንጀራህ ላይ በሐሰት አትመስክር፡ የባልንጀራህን ሚስት ቤትና ንብረት በአጠቃላይ የባልንጀራህን ገንዘብ ሁሉ ማንኛውንም አትመኝ›› የሚለውን ሕግ ከመጽሐፍ ቅዱስ ሲያነቡላቸውና በባልንጀራቸው ላይ ክፉ ሥራ እንዳይሠሩ ትምህርት ሲሰጧቸው ባልንጀራዬን እንዴት እከዳለሁ? እንዴትስ ተንኮል እፈጽምበታለሁ? በማለት ራሳቸውን ለባልንጀራቸው ታማኝ በማስመሰል ሊናገሩና ሊከራከሩ ይችላሉ፡፡ በሌላ በኩል ግን የተፈጥሮ ጓደኛቸው የሆነውን ሰብአዊ ፍጡር ሲያሳዝኑትና ሲያስቀይሙት ይታያሉ፡፡ እንዲህ ያለውን ክፉ ተግባር በሰዎች ላይ መፈጸም ‹‹ባልንጀራህን እንደራስህ ውደድ›› የሚለውን መጣስ ነውና ይህ ኃጢአት ነው ሲሏቸው ደግሞ ባልንጀራዬ ማን ነው? የማላውቀው ሰውስ እንዴት ባልንጀራዬ ይሆናል በማለት ድርቅ ብለው ይከራከራሉ፤ የሚበላና የሚጠጣ የጽዋ ጓደኛ ከዚህም ሌላ በሀብትና በእውቀት ተመጣጣኝ ሆኖ ውለታ የሚውልና ብድር የሚመልስ ወይም በሥጋ ተዛምዶ የሚቀርብና የሀገር የወንዝ ልጅ የሆነ አፈር ፈጭቶ ውኃ ተጎንጭቶ አብሮ ያደገ ወይም በአንድ ትምህርት ቤት አብሮ የተማረ በሥራና በጉርብትና ምክንያት ወቅታዊ ፍቅር የመሠረተና ምስጢር የተጫወተ …ወዘተ ብቻ ነው ብለው ስለሚያስቡ ነው፡፡
እግዚአብሔር አምላክ ግን ‹‹ባልንጀራህን እንደራስህ ውደድ›› ሲል የተናገረው ማንኛውም ሰው በተፈጥሮ የሚመሳሰለው ሰብአዊ ፍጡር ሁሉ ባልንጀራው መሆኑን አውቆ አንዱ የሌላውን መብት በመጠበቅ እርስ በርሱ ተከባብሮና ተፈቃቅሮ በሰላምና በደስታ እንዲኖር ነው፡፡ ከዚህም ሌላ ከሰዎች መካከል እኔን አይመለከተኝም ሳይል አንዱ ሌላውን እንዲረዳው ነው፡፡ ይህም አባባል ባልንጀራ በወገን፣ በጾታ፣ በጎሳ፣ በዘርና በመሳሰለው ጠባብ አስተሳሰብ ሳይወሰን እያንዳንዱ ሰው ለሌላው ሰው ወገኑና ባልንጀራው እንዲሁም ከአንድ ፈጣሪና ከአንድ አባት የተገኘ የተፈጥሮ ወንድሙ መሆኑን የሚያስገነዝብ ነው፡፡
በሉቃስ ወንጌል ምዕራፍ 10 ላይ እንደተጻፈው ጌታችን አምላካችን መድኃኒታችን ኢየሱስ ክርስቶስ በማስተማር ላይ ሳለ አንድ ሕግ አዋቂ ሊፈትነው አስቦ፡- መምህር ሆይ የዘለዓለም ሕይወትን እወርስ ዘንድ ምን ላድርግ? በማለት በጠየቀው ጊዜ ጌታችን መድኃኒታችን ኢየሱስ ክርስቶስ በሕግ የተጻፈው ምንድን ነው? አለው፡፡ ሕግ አዋቂውም መልሶ፡- ጌታ አምላክህን በፍጹም ልብህ በፍጹም ነፍስህ በፍጹም ኃይልህ በፍጹም ሀሳብህ ውደድ ባልንጀራህንም እንደራስህ ውደድ ሲል መለሰ፡፡ አምላካችን ኢየሱስ ክርስቶስም እውነት መልሰሀል ይህንን ብታደርግ በሕይወት ትኖራለህ ሲል ነገረው፡፡ ነገር ግን ሕግ አዋቂው ራሱን ከፍ አድርጎ በመመልከት ባልንጀራዬ ማን ነው? ሲል እንደገና ጠይቋል በዚህ ጊዜ መድኃኒታችን ኢየሱስ ክርስቶስ የደጉን ሳምራዊ ታሪክ ከተረከ በኋላ ‹‹አንተም እንደዚሁ አድርግ›› በማለት ለሰዎች ሁሉ መልካም መሥራትና እርስ በእርስ መዋደድ እንደሚገባ አስረድቶታል፡፡
እንግዲህ ባልንጀራ የሚባለው ባገኙ ጊዜ ብቻ አብሮ በልቶ ጠጥቶ በችግር ጊዜ ወደኋላ የሚሸሽ ሰው ሳይሆን ‹‹ባልንጀራህን እንደራስህ ውደድ›› በሚለው አምላካዊ ትእዛዝ መሠረት የችግረኞችንና ጉዳተኞችን ችግር እንደራሱ ችግር በመቁጠር ውለታና ብድር ሳይሻ ሁሉንም በእኩልነት ተመልክቶ በጤናም ሆነ በሀብት ወይም በእርጅና ምክንያት የተቸገሩትን ሁሉ በአቅሙ መጠን የሚቻለውን የሚረዳ ነው፡፡ ከዚህም ሳምራዊ ሰው የምንማረው ይህንኑ ነው፡፡
እኛም እንደደጉ ሳምራዊ ሰው በመዋዕለ ዘመናችን ሁሉ ለሰዎች መልካም አድርገን በእመቤታችን በቅድስት ድንግል ማርያም አማላጅነት እንዲሁም በቅዱሳን አማላጅነት መንግሥተ ሰማያትን እንድንወርስ ልዑል እግዚአብሔር ወሰን በሌለው ቸርነቱ ይርዳን፡፡ ወስብሐት ለእግዚአብሔር::
(ላዕከ ወንጌል በእደ ማርያም ይትባረክ (ቀሲስ) የአዲስ አበባ ሀገረ ስብከት የትምህርት ሥርጭት ኃላፊ)

 
የመንበረ ጸባዖት ቅድስት ሥላሴ ካቴድራል በቅጥረ ግቢው መካነ መቃብር ዙሪያ በሶሻል ሚዲያ ላይ ለተሰራጨው መሠረተ ቢስ ዘገባ ማብራሪያ ሰጠ

pp002

በመንበረ ጸባዖት ቅድስት ሥላሴ ካቴድራል እና በበዓለ ወልድ ቤተ ክርስቲያን መካነ መቃብራት የሚገኙ ዐፅሞች እንዲፈልሱ የተወሰነው፣ በቦታው ሕንፃ ለመሥራት ተፈልጎ ሳይሆን፤ የመቃብር ቦታው በመሙላቱና በመጨናነቁ እንደሆነ የካቴድራሉ አስተዳደር አስታወቀ፡፡
ሊቀ ሥልጣናት አባ ገብረ ሥላሴ በላይ፣ የቅድስት ሥላሴ ካቴድራል እና የበዓለ ወልድ ቤተ ክርስቲያን አስተዳዳሪ፣ ስለ ጉዳዩ ከሰንደቅ ጋዜጣ ተጠይቀው በሰጡት ምላሽ፥ መካነ መቃብራቱን ከማልማት፣ ከማስዋብና ከመከባከብ ውጭ ሕንፃ የመገንባት ዕቅድ አስተዳደሩ ፈጽሞ እንደሌለው አረጋግጠዋል፡፡ 
ካቴድራሉ በቅጥር ግቢው ከሚገኙ መካነ መቃብራት ውስጥ፣ በበዓለ ወልድ ቤተ ክርስቲያን ደቡባዊ ክፍልና በካቴድራሉ መካከል የሚገኘውን የመካነ መቃብር ሥፍራ ለማልማት እንዲቻል፥ በጋዜጦች፣ በራዲዮና በቴሌቭዥን ቤተሰቦች ተገኝተው ዐፅሞችን እንዲያነሡ ጥሪ መተላለፉን ሊቀ ሥልጣናቱ ጠቅሰው፤ በጥሪው መሠረት የተገኙ ቤተሰቦች ባደረጉት ትብብርና ስምምነት መሠረት ዐፅሞቹ በክብር እንዲነሡ መደረጉን ተናግረዋል፡፡
የማፍለስ ሒደቱም በሁለት ዓይነት መልኩ እንደተከናወነ፣ ሊቀ ሥልጣናት አባ ገብረ ሥላሴ ያስረዳሉ፡፡ ይኸውም፣ በመካነ መቃብሩ ላይ የሚገኙ ሐውልቶች ብቻ ተነሥተው አዕፅምቱ ሳይነሡ፣ ስማቸውና ታሪካቸው በግድግዳ ላይ እንዲጻፍ መደረጉን፤ በሌላ በኩል ደግሞ፣ ሙሉ በሙሉ ከመካነ መቃብራቱ ተነሥተው በተዘጋጀላቸው ሥፍራ እንዲያርፉ የተደረጉ አዕፅምት መኖራቸውን አስረድተዋል፡፡ በዚህ ሁኔታ እንዲነሡ ከተደረጉት ከ290 ያላነሱ አፅሞች መካከል፦ የቀኝ ጌታ ዮፍታሔ ንጉሤ፣ የመልአከ ብርሃን አድማሱ ጀንበሬ እና የፕሮፌሰር ዐሥራት ወልደየስ እንደሚገኙበት ዘርዝረዋል፡፡
የቀኝ ጌታ ዮፍታሔ ንጉሤ ቤተሰቦች በወቅቱ ባለመምጣታቸው፣ ዐፅማቸው ከመካነ መቃብሩ ተነሥቶ በክብር በተዘጋጀለት የካቴድራሉ ቦታ ያረፈው የዛሬ ስምንት ዓመት መሆኑን ያዘከሩት ሊቀ ሥልጣናቱ፥ በቅርቡ ግን፣ ቤተሰቦቻቸው መጥተው ወደ ትውልድ ሥፍራቸው ወስደው ማሳረፍ እንደሚፈልጉ በመግለጻቸው፣ በሥርዓተ ቤተ ክርስቲያን መሠረት ተገቢው ጸሎት ተደርሶ በክብር እንደ ተሸኘ አስረድተዋል፡፡ ይህን አስመልክቶ በተለይ በማኅበራዊ ድረ ገጾች የተዛቡና እውነት ያልሆኑ መረጃዎች መሰራጨታቸው ካቴድራሉን እንዳሳዘነም ጠቁመዋል፡፡የመልአከ ብርሃን አድማሱ ጀንበሬን ዐፅም ወደ ካቴድራሉ መካነ መቃብር ለማፍለስ፣ ወንድማቸው መጥተው የነበረ ቢሆንም፣ በዐቅም ማነስ ምክንያት ወደ ካቴድራሉ ማሳረፊያ ማንሣት እንደማይችሉ ተናግረዋል፡፡ በዚህም ምክንያት፣ “የካቴድራሉ አስተዳደር ሐውልቱን በማንሣት ዐፅማቸው ባለበት እንዲቆይና ስምና ታሪካቸው በግድግዳ ላይ እንዲጻፍ ወስኖ ነበር፤” ብለዋል ሊቀ ሥልጣናቱ፡፡ ሆኖም በአሁኑ ወቅት፣ የልጃቸው ባለቤት የሆኑ ግለሰብ ቀርበው በማመልከታቸው፣ ካቴድራሉ፥ የመልአከ ብርሃን አድማሱን ዐፅም ሌላ ቦታ ሰጥቶ ለማፍለስና ለማሳረፍ እየተዘጋጀ እንዳለ አስተዳዳሪው አስታውቀዋል፡፡
የበዓለ ወልድ ቤተ ክርስቲያን በያዛቸው ሐውልት/ቀብር/ ቤት እና የመቃብር አጥር ብዛት ቅጽረ ግቢው ለማስቀደሻ እየጠበበ መሆኑን የሚጠቅሰው የካቴድራሉ “የቀብር የሐውልት ማሥነሻ ቅጽ”፣ ዐፅሙ ባለበት እንዲሆንና ቦታው ተስተካክሎ ለምእመናን ማስቀደሻ – መጠለያ እንደሚሠራበት ያመለክታል፤ ለዚህም ተግባር የሟች ቤተሰብ ያለምንም ቅሬታ ተስማምቶ ለሥራው ተባባሪና የሚፈለገውን ድጋፍ ለማድረግም ፈቃደኛ እንደሆነ በፊርማው ማረጋገጡን ይገልጻል፡፡
የበዓለ ወልድ ቤተ ክርስቲያን – በዐፄ ምኒሊክ ዘመነ መንግሥት፤ የመንበረ ጸባኦት ቅድስት ሥላሴ ካቴድራል ደግሞ፣ በቀዳማዊ ዐፄ ኃይለ ሥላሴ መተከላቸውን፤ የቀብር አገልግሎቱ የተጀመረውም፦ ንጉሠ ነገሥቱ ከነቤተሰቦቻቸው የቀብር ቦታ ካዘጋጁና ለሀገራቸው የተዋደቁ ጀግኖች እንዲቀበሩበትና በሌላም ቦታ የተቀበሩት ዐፅማቸው እንዲያርፍበት ከፈቀዱ በኋላ መሆኑን ሊቀ ሥልጣናቱ ጨምረው አስታውሰዋል፡፡ የመቃብር ቦታው፣ ከ60 ዓመታት ላላነሰ ጊዜ እንዳገለገለም በካቴድራሉ የሚገኙ ሰነዶች ያረጋግጣሉ፡፡
ሊቀ ሥልጣናቱ አያይዘውም፥ ቤተሰቦች ከቀብር በኋላ የመቃብር ሥፍራዎችን የመጠበቅ፣ የመከባከብና የማስዋብ ሥራ እንደማይሠሩ ተችተዋል፡፡ በዚህም ምክንያት፣ በተለይ ከ127 ዓመታት በላይ የዕድሜ ባለጸጋ የሆነው የባለወልድ ቤተ ክርስቲያን የመቃብር ስፍራ፣ ወደ ቆሻሻ መጣያነት ተቀይሮ መቆየቱ አሳዛኝ እንደሆነ ገልጸዋል፡፡ ካቴድራሉ፥ ከመዲናዪቱ የቱሪስት መስሕቦች አንዱ እንደመሆኑ መጠን፣ የመካነ መቃብሩ አያያዝ የሀገር ገጽታንም የሚያበላሽ እንደነበር አስገንዝበዋል፡፡
ምንጭ፡-ሰንደቅ ጋዜጣ፤  ረቡዕ፣ ሐምሌ ፭ ቀን 2009 ዓ.ም.

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 4 ከ 104

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ